Ходимларни самарали бошқариш энг қийин бизнес вазифаларидан бири бўлиб, уни технологияларни жорий этмасдан амалга ошириш деярли имконсиз бўлиб қолмоқда. Workly инновацион IT-лойиҳаси ушбу муаммони содда, қизиқарли ва, албатта, технологик жиҳатдан осон ҳал қилишга қаратилган.
Бугунги кунда инсонларни бир ерда ва бир вақтда бошқариш, уларнинг кўникмаларини ҳар куни ривожлантириш ва умидларини замонавий ҳамда осон усуллар билан оқлаш зарурияти ходимларни самарали бошқариш, яъни HR жараёнини “шошилинч” ёрлиғига эга вазифага айлантириб қўймоқда. Мана шу “Осон” сўзи Workly лойиҳасинининг HR ечимларини яратишдаги бошқарув калитидир. Ходимлар учун осон, менежерлар учун осон, умуман компания учун осон.
Иш вақтини қайд этиш тизими енгилликлари
Workly иш вақтини кузатиш тизимини автоматлаштириш учун ечимларни таклиф этади. Бу ходимларга ўз вақтларига нисбатан интизомли бўлиш ҳамда кечикиш ва умуман қолдирилган иш кунлари сонини камайтириш имконини беради. Шунингдек, ишланган соатлар ҳажми тизимда аниқ қайд этилганлиги туфайли, иш ҳақини ҳисоблаш учун масъул бўлган мутахассиснинг эса ишини енгиллаштиради.
Дастур қандай ишлайди?
Ходимларнинг келиш ва кетиш жараёни уларнинг бармоқ излари, юзни идентификациялаш тизими ёки ТимеПад иловаси орқали кузатилади. Workly ёрдамида тушлик вақтини, навбатчилик соатларининг бошланиши ва тугашини ҳисобга олинган ҳолда турли хил иш графикларини автоматлаштириш, шунингдек, графикларга исталган вақтда ўзгартиришлар киритиш мумкин. Янги ишга туширилган Workly Тиме анд Аттенданcе мобил иловаси орқали эса ишга келиш ва кетиш жараёнини қайд этиш янада осонлашди. Энди ушбу жараённи офиснинг геолокацияси ёрдамида амалга оширилиши мумкин. Бунда, компаниялар шунчаки ушбу дастурни юклаб олиш орқали биометрик қурилмаларни сотиб олишдаги харажатларни тежашлари мумкин.
Ишга қабул қилиш жараёнларини соддалаштириш
Энди Workly ишга қабул қилиш жараёнларини соддалаштириш имкониятини беради. Айниқса гап оммавий саралаш босқичи ҳақида борганда, йирик компаниялар номзодлар тўғрисидаги маълумотлар турли хил платформаларда жойлаштирилганлиги сабабли ушбу жараёнга кўп куч ва вақт сарфлайдилар. Workly компанияларга танлов жараёнини битта интерфейсга бирлаштириш орқали автоматлаштиришни, бунинг ортидан тежалган вақтни эса кўпроқ стратегик масалаларни ҳал қилишга йўналтиришни таклиф этади.
Дастур қандай ишлайди?
2023 йилда компания ишчи қатламни шакллантириш учун WorklyHR рекрутинг-платформасини ишга туширди. У hh.uz билан интеграциялашган бўлиб, мос номзодларни тез ва самарали топиш имконини беради. Шунингдек, мижозлар учун ходимларни соддалаштирилган тарзда ёллаш учун махсус Telegram ботлардан фойдаланиш имкони ҳам мавжуд. Бундан ташқари, лойиҳа ҳар бир мижоз учун бепул “Карьера” саҳифасини яратиш имконини беради. Бу компаниянинг қадриятлари ва мавжуд бўш иш ўринлари кўрсатилган сайт бўлиб, унга йўлланган хабарлар дарҳол WorklyHR ишга қабул қилиш тизимига юборилади.
“Чакана савдо, HORECA ва ишлаб чиқариш соҳаларидаги мижозларимиз бизга ўзларининг ишга олиш жараёнларини автоматлаштириш бўйича кўплаб саволларни бердилар. Ушбу соҳаларда ходимлар алмашинуви кўп бўлиб, бозорда эса ҳозирда қониқарли интеграциялашган ечим мавжуд эмас. Биз ишга қабул қилиш платформасини битта HR экотизимига бирлаштиришни режалаштирмоқдамиз. Ушбу платформа жараёнларни соддалаштиради ҳамда уларни мижозларимиз талабларига мослаштиради. Мақсадимиз ҳар қандай компания учун HRнинг ходимларни ёллаш ва вақтни бошқаришдан тортиб, уларнинг мослашиш даври каби барча жабҳаларини қамраб оладиган, универсал HR маҳсулотини ишлаб чиқишдир”, деб ўз қарашлари билан ўртоқлашди, Workly раҳбари Искандар Ғанибоев.
Ҳозирда платформа тест режимида ишламоқда ва унинг расмий ишга туширилиши 2024 йил 1 февралга режалаштирилган. Тизимни синовдан ўтказаётган компаниялардан бирининг кадрлар бўйича директори ундан фойдаланиш тажрибаси билан бўлишди.
“WorklyHR, албатта, компаниямизнинг ходимларни ишга олиш жараёнини тезлаштирди. Асосий афзалликлардан бири - бу энди номзодларнинг йўқолиб қолмасликлари ҳамда улар тўғрисидаги актуал маълумотлар доимо осон топилишидир. WorklyHR бизга барча маълумотларни электрон форматда тез йиғиш ва сақлаш имкониятини берди. Бунинг натижасида биз қоғоз ҳужжатлардан фойдаланиш заруратидан ҳамда уларни қидириш ва тартибга солиш учун вақтни беҳуда сарфлашдан халос бўлдик”, - дейди синов-компаниясининг кадрлар бўйича директори Александр Подойницйн.
Сунъий интеллект билан ишни соддалаштириш
Workly юқори технологияли лойиҳа сифатида нафақат бугунги кунимизни, балки келажагимизни ҳам белгилаб берувчи тенденциялардан ортда қолаётгани йўқ. Ишга қабул қилишни автоматлаштириш лойиҳаси тугаллангандан сўнг, Workly унга автоматик интервью ва номзоднинг асосий хусусиятларини аниқлаш каби сунъий интеллект имкониятларини жорий қилишни режалаштирмоқда. Келажакда сунъий интеллект ёрдамида иш жадвалларини белгилашни автоматлаштириш режалаштирилмоқда.
Сайт: ҳттпс://wорклй.ио/уз
Instagram: https://www.instagram.com/workly.ио?игш=З25еҲгwб20йбХc=
WorklyHR: ҳттпс://ҳр.wорклй.ио
Реклама ҳуқуқи асосида.
Изоҳ (0)