Ucell kompaniyasi 2023-yilda amalga oshirilgan ishlar va qo‘lga kiritilgan yutuqlari haqida hisobotni taqdim etdi. Unda qayd etilishicha, 2023-yilda kompaniyaning O‘zbekistonda telekommunikatsiya infratuzilmasini rivojlantirishga kiritgan sarmoyalari 136,3 million dollardan oshgan. Mamlakat byudjetiga soliq va yig‘imlar shaklida 650 milliard so‘m tushirildi. 303 ta yangi ish o‘rinlari yaratildi.
Yil davomida 1172 ta antenna inshootlari qurildi; 2449 ta tayanch stansiyalari modernizatsiya qilindi. 7233 ta yangi tayanch stansiyalari foydalanishga topshirildi.
O‘tgan yili 60 ta yangi Ucell savdo ofislari ochildi: hozirda barcha viloyat va shaharlarda Kompaniyaning 140 ta zamonaviy, texnologik ilg‘or savdo shoxobchalari faoliyat ko‘rsatmoqda.
Bularning natijasi o‘laroq 9 million O‘zbekiston aholisi Ucell abonentiga aylandi va bugungi kunda COSCOM MCHJ abonentlar soni bo‘yicha mamlakatimizda yetakchilaridan biri hisoblanadi.
O‘tgan yili Ucell mobil tarmog‘i obyektlari soni 2023-yil mobaynida 18 foizga oshgan. Kompaniya mamlakatdagi barcha Ucell tayanch stansiyalarini to‘rtinchi avlod 4G LTE aloqa vositalari bilan jihozlashni deyarli yakunladi.
2023-yilda Sirdaryo, Namangan, Toshkent viloyatlari va Toshkent shahrida mobil aloqa tarmog‘i infratuzilmasi to‘liq yangilandi.
Toshkent va Samarqand shaharlarida beshinchi avlod 5G aloqa tarmog‘ining qamrov hududini kengaytirish bo‘yicha qo‘shimcha ishlar amalga oshirildi. 5G aloqasi Toshkent viloyatining dam olish hududlarida ham joriy etildi; 2290 m balandlikdagi eng baland tayanch stansiyasi, Amirsoy dam olish maskanida foydalanishga topshirildi.
Chuqur modernizatsiya tufayli tarmoq orqali uzatiladigan internet-trafik bir yil ichida ikki barobarga oshdi.
Ucell isteʼmolchilarning sodiqlik indeksida ham yetakchilardan biri hisoblanadi. Kompaniyaning yangi “Doimiy” tarif liniyasi 4 milliondan ortiq abonentni jalb qildi.
Kompaniya “Obuna uchun smartfon” noyob mahsulotini taqdim etdi, bu esa bir oylik to‘lov, jumladan, muddatli to‘lov va abonent to‘lovlari bilan yangi ulangan smartfonni xarid qilish imkonini beradi. Ucell O‘zbekiston bozoridagi chakana savdoda va maʼlum bir modelni shop.ucell.uz internet-do‘koni orqali oldindan band qilgan holda xarid qilish mumkin bo‘lgan uyali aloqa operatori hisoblanadi. Ucell O‘zbekistonda birinchi bo‘lib Trade-in – eski smartfonni yangisiga almashtirishni yo‘lga qo‘ydi.
Call-markaz xizmat ko‘rsatish darajasi bo‘yicha dunyo miqyosidagi mezonlarga juda yaqin keldi: Call-markazga qo‘ng‘iroq qilgan abonentlarning 86 foizi 30 soniya ichida javob oldi. 2023-yilda markaz operatorining o‘rtacha javob vaqti 16 soniyani tashkil etdi.
Ucell biznesini raqamlashtirish tobora kuchayib bormoqda. Ucell mobil ilovasini mart oyidan dekabr oyigacha 1 205 565 abonent yuklab oldi.
Ucell kompaniyasining asosiy kapitali — shubhasiz, bu odamlar. Kompaniyada 2000 dan ortiq xodimlar ishlaydi. 2023-yilda Ucell 303 ta yangi ish o‘rni yaratdi. O‘tgan yil davomida o‘quv markazi jamoasi 16 xil o‘quv dasturlarini o‘tkazdi va 1865 nafar xodimni o‘qitdi.
Kompaniyaning asosiy prinsiplaridan biri bu — bir so‘m, bir dollar foyda ham O‘zbekistondan tashqariga chiqmasligi: Ucellda olingan barcha foyda O‘zbekiston Respublikasini rivojlantirish bilan bog‘liq loyihalarga yo‘naltiriladi.
Telekommunikatsiya sohasida yangi stansiyalar qurish va mavjudlarini modernizatsiya qilish 2024-yilda ham davom etadi. Beshinchi avlod 5G mobil aloqasining qamrov doirasi kengayadi. 2023-yilda bo‘lgani kabi, yuqori sifatli ovozli va video aloqa va ishonchli internet ishlashini taʼminlovchi yuqori tezlikdagi 4G LTE tayanch stansiyalarini ishga tushirishga alohida eʼtibor qaratiladi.
Reklama huquqi asosida.
Izoh (0)