“Vagner” safida xizmat qilishga yollangan o‘zbekistonlik erkak besh yilga qamaldi. Bu haqda uning onasi “Readovka” nashriga xabar berdi.
Ma’lum qilinishicha, Aleksey Xamatxonov 2023-yilning may oyida Toshkentdan Moskvaga uchib ketgan. U tez orada “Vagner” bilan shartnoma imzolagan, shundan so‘ng Krasnodar o‘lkasidagi mashg‘ulotlar bazasiga yo‘l olgan. U frontga borishga ulgurmagan, sababi “Vagner” xususiy harbiy kampaniyasi qayta tashkil etilgan.
“Shu sababli Aleksey Saxarovadagi migratsiya markaziga tushgan”, — deydi uning onasi Tatyana.
U yerda Aleksey Rossiya Mudofaa vazirligi bilan shartnoma imzolash istagini bildirgan. Dastlab unga rozilik berilgan, lekin u O‘zbekistonga deportatsiya qilingan. O‘zbekistonda u 2023-yilning noyabr oyida hibsga olingan va oradan ikki oy o‘tgach, O‘zbekiston Respublikasi Jinoyat kodeksining 154-moddasi “yollanish” bilan besh yilga ozodlikdan mahrum etilgan.
O‘zbekiston fuqarolariga chet davlatlarining harbiy xizmatiga yollanish qonunan taqiqlanadi!
O‘zbekiston fuqarolari chet davlatlarning (shu jumladan, Rossiyaning) harbiy xizmatiga, xavfsizlik, politsiya, harbiy adliya organlari yoki shunga o‘xshash boshqa organlariga xizmatga kirish, yollangani uchun O‘zbekiston Jinoyat kodeksining 154,1-moddasiga ko‘ra 3 yildan 5 yilgacha ozodlikni cheklash yoki ozodlikdan mahrum qilish bilan jazolanadi.
Izoh (0)