O‘zbekistonda yillik inflyatsiya 8,77% darajasida qayd etildi

 O‘zbekiston statistika agentligi 2023-yil yakunlari bo‘yicha 8,77% lik inflyasiya yuz bergani e’lon qildi.

Iqtisodchi Otabek Bakirovning yozishicha, bu yangi davrda qayd etilgan eng past inflyatsiya hisoblanadi.

"Rasmiylarga ko‘ra, dekabrda oylik inflyatsiya 1,24%ni tashkil etgan, bunda oziq-ovqatlar 1,3% ga, nooziq-ovqatlar 1,0% ga, xizmatlar 1,5% ga qimmatlagan.

Asosiy oziqlardan shakar 0,8% ga, guruch 0,4% ga, tuxum 0,3% ga, qo‘y go‘shti 0,3% ga, mol go‘shti 0,2% ga, yog‘ 0,2% ga, un 0,1% ga arzonlagan.

Shuningdek, statistikaga ko‘ra, benzin oy davomida 3,3% ga, propan 5,1% ga oshgan bo‘lsa, metan narxlari o‘zgarmagan", — deb sharhlaydi ma’lumotlarni iqtisodchi.

Markaziy bank O‘zbekistonda noyabr oyida aholi tomonidan sezilgan inflyatsiya darajasi 12,7 foizni tashkil etganini ma’lum qilgandi.