Futbol bo‘yicha Saudiya Arabistoni chempionatida legionerlar bilan bog‘liq qoidalarga o‘zgartirishlar kiritildi.
Keyingi mavsumdan boshlab klublarga qaydnomadagi 25 futbolchining 10 nafari legioner bo‘lishiga (hozirgi limit 8 nafar) ruxsat beriladi. Shu bilan birga, yangi qoidaga ko‘ra 10 legionerdan 2 nafari 2003-yildan katta bo‘lmasligi lozim.
Saudiyaliklar chempionat o‘yinlarida o‘z tarkibiga ko‘pi bilan 8 nafar xorijlik futbolchini kiritishi mumkin, biroq bu cheklov mamlakat kubogi hamda Superkubokdagi o‘yinlarga tatbiq etilmaydi.
Eslatib o‘tamiz, yozdan boshlab Saudiya klublari xorijlik futbolchilarni ommaviy ravishda sotib olishni boshlagan edi.