3-yanvar kuni Yer Quyoshga maksimal darajada yaqinlashadi. Bu haqda Moskva planetariysiga tayanib, “RBK” xabar berdi.
Mazkur hodisa 2024-yil Quyoshning eng katta diskini kuzatish imkonini beradi. Shu kuni Toshkent vaqti bilan 05:38 da sayyora Quyoshdan 147 098 988 kilometr uzoqlikda bo‘ladi.
“2024-yil 3-yanvar kuni Yer perigeliyda — Quyoshga orbitasining eng yaqin nuqtasida bo‘ladi. Shu kuni Quyoshning ko‘rinadigan diametri yilning eng katta diametriga aylanadi. Osmon jismining diski iyul oyida kuzatilgan maksimal yaqinlikka nisbatan 3 foizga kattaroq ko‘rinadi”, — dedi astronomlar.
O‘tgan yillarda bunday yaqinlashuv 2-yanvarda sodir bo‘lgan. Yer Quyosh atrofida o‘rtacha 29,765 km/s tezlikda Quyoshdan o‘rtacha 149,6 million kilometr masofada harakatlanadi. Bitta orbital aylanish davri 365,24 quyosh kuni, ya’ni 365 kun, 6 soat, 9 daqiqa va 10 soniyani tashkil qiladi.
3-yanvardan 4-yanvarga o‘tar kechasi birinchi yangi yil meteorit yomg‘iri yog‘adi. Meteor yomg‘irining cho‘qqisida soatiga 120 meteorit uchishi kutilmoqda, bu tiniq osmonda daqiqasiga bir yoki ikki meteor uchishini anglatadi. Kuzatuvlar uchun eng yaxshi vaqt yarim tundan to tonggacha sanaladi.
Izoh (0)