3 январь куни Ер Қуёшга максимал даражада яқинлашади. Бу ҳақда Москва планетарийсига таяниб, “РБК” хабар берди.
Мазкур ҳодиса 2024 йил Қуёшнинг энг катта дискини кузатиш имконини беради. Шу куни Тошкент вақти билан 05:38 да сайёра Қуёшдан 147 098 988 километр узоқликда бўлади.
“2024 йил 3 январь куни Ер перигелийда — Қуёшга орбитасининг энг яқин нуқтасида бўлади. Шу куни Қуёшнинг кўринадиган диаметри йилнинг энг катта диаметрига айланади. Осмон жисмининг диски июль ойида кузатилган максимал яқинликка нисбатан 3 фоизга каттароқ кўринади”, — деди астрономлар.
Ўтган йилларда бундай яқинлашув 2 январда содир бўлган. Ер Қуёш атрофида ўртача 29,765 км/с тезликда Қуёшдан ўртача 149,6 миллион километр масофада ҳаракатланади. Битта орбитал айланиш даври 365,24 қуёш куни, яъни 365 кун, 6 соат, 9 дақиқа ва 10 сонияни ташкил қилади.
3 январдан 4 январга ўтар кечаси биринчи янги йил метеорит ёмғири ёғади. Метеор ёмғирининг чўққисида соатига 120 метеорит учиши кутилмоқда, бу тиниқ осмонда дақиқасига бир ёки икки метеор учишини англатади. Кузатувлар учун энг яхши вақт ярим тундан то тонггача саналади.
Изоҳ (0)