AQSH prezidenti Jo Bayden 2024-moliya yili uchun 886,3 milliard dollarlik mudofaa budjetini imzoladi. Bu haqda Oq uy saytida e’lon qilingan xabarda aytiladi. Ushbu mablag‘ o‘tgan yilga nisbatan 3 foizga ko‘p.
Oq uy xabarida aytilishicha, qonun xorijiy razvedka vakolatlarini kengaytirishni ham nazarda tutadi. Avvalroq Kongressning ikkala palatasi ham qonun loyihasini ma’qullagan edi.
Budjetda Ukrainani qo‘llab-quvvatlash uchun 800 million dollar ajratilishi ko‘zda tutilgan. Bundan tashqari, hujjatda harbiy xizmatchilarning ish haqi 5,2 foizga oshirilishi qator kompaniyalardan akkumulyatorlar xaridi taqiqlanishi, AQSH va Tayvan sherikligi mustahkamlanishi belgilangan.
Ma’lumot uchun, AQSH mudofaa budjeti 2023-yilda 847,3 milliard dollarni, 2022-yilda 770 milliard dollarni, 2021-yilda 740,5 milliard dollarni, 2020-yilda 740 milliard dollarni, 2019-yilda 738 milliard dollarni tashkil etgan.
Izoh (0)