O‘zbekistonda yoqqan qor sabab Ustyurt tekisligida havo keskin sovudi, oqibatda avtomobillar muzlab, harakatdan to‘xtab qolmoqda. Qoraqalpog‘iston Respublikasi Favqulodda vaziyatlar boshqarmasining xabar berishicha, yo‘lda qolib ketgan haydovchilarga yordam ko‘rsatilmoqda.
Ayni paytda Ustyurt tekisligidagi vaziyat shunday holatda, — deyiladi boshqarmaning 13-dekabr kuni 21:51 da tarqatgan xabarida.
Videodan anglashilishicha, boshqarma xodimlari nafaqat yengil avtomobillarga, balki yuk avtomobillariga ham yordam ko‘rsatmoqda. Xodimlar shuningdek, yo‘lda yonilg‘isi tugab qolgan avtomobillarga yonilg‘i quyib berayotganini ham ko‘rish mumkin.
“O‘zgidromet” 15-dekabr, juma kuni uchun ob-havo prognozini Qoraqalpog‘iston Respublikasi va Xorazm viloyatida havo biroz bulutli bo‘lishini, yog‘ingarchilik kutilmasligini ma’lum qildi. Qayd etilishicha, shu kuni kechasi 5-10 daraja, kunduzi 0-5 daraja sovuq bo‘ladi.
Izoh (0)