O‘zbekistonda gazli ichimliklar uchun aksiz solig‘i bo‘yicha bahslar davom etmoqda

Bir necha kun avval OAVlarda shakarli ichimliklarga aksiz solig‘i to‘g‘risidagi maqolalar e’lon qilinganidan so‘ng Moliya va iqtisodiyot vazirligi huzuridagi Soliq siyosati boshqarmasi vakillari va O‘zbekiston alkogolsiz ichimliklar va sharbat ishlab chiqaruvchilar uyushmasi bilan bog‘lanib, 7-dekabr kuni uchrashuv bo‘lib o‘tdi.

“Nega men sanoat hali ham muloqotni kutmoqda demoqdaman? Chunki uchrashuv dastlabki xarakterda bo‘lib, u yerda bizni tinglashdi, xolos. Boshqarma boshlig‘i Qahramon Usmonovning so‘zlariga ko‘ra, yig‘ilishdan so‘ng pozitsiyamizni keyingi ichki muhokama uchun moliya va iqtisodiyot vaziri Jamshid Qo‘chqorovga yetkazish rejalashtirilgan edi.

Shuning uchun biz muloqotni davom ettirishni intiqlik bilan kutmoqdamiz. Shu jumladan, dalillarimiz oxir-oqibat nimaga ta’sir qilganini (yoki ta’sir qilmaganligini) tushunishimiz uchun ham”, — deydi O‘zbekiston alkogolsiz ichimliklar va sharbat ishlab chiqaruvchilar uyushmasi direktori Alfiya Musina.

Uyushma vakillari ta’kidlashicha, amaldorlar shakar qo‘shilgan ichimliklar uchun qo‘shimcha soliqni tavsiya etgan JSSTning 2016-yilgi hisobotini asos sifatida keltirdi. Lekin negadir ushbu qonun loyihasiga JSST tavsiyalarida birorta ham so‘z bo‘lmagan shakrni o‘rniga ishlatiladigan moddalar qo‘shilgan ichimliklar ham kiritilgan va bu, albatta, sanoatning shakarning o‘rnini bosuvchi moddalar bilan almashtirish yoki shakar miqdori kamaytirilgan ichimliklar ishlab chiqarish bo‘yicha barcha sa’y-harakatlarini bekor qiladi.

Shu sababli ishlab chiqaruvchilar va uyushma vakillari mazkur qonun loyihasi tashabbuskori bo‘lgan Moliya vazirligi, Sog‘liqni saqlash vazirligi va Senatdan qaror qabul qilishdan oldin bir necha savollarga javob berishni so‘ragan:

1. Ichimliklar tarkibidagi shakar aholining semirish va qandli diabet kasalligiga sabab bo‘lishi haqida ilmiy dalillar bormi? Aksiz solig‘i joriy etilgandan keyin ushbu kasalliklarning kamayishi bo‘yicha qanday prognoz qilmoqda?
2. Gazlangan ichimliklar mamlakatdagi umumiy shakar iste’molining taxminan 1,5% ni tashkil qiladi, shakarning qolgan qismi aholi tomonidan sof shaklda va qandolat mahsulotlarida iste’mol qilinadi. Aytilgan natijaga erishish uchun umuman qand iste'molini kamaytirishni ko‘zlab aynan nimalar rejalashtirilmoqda?
3. Aholining noto‘g‘ri ovqatlanishiga qarshi kurashish va sog‘lom turmush tarzini targ‘ib qilishni rejalashtirgan dastur ishlab chiqilganmi va h.k.

Uyushma berayotgan xabarga ko’ra yig‘ilishda Moliya va iqtisodiyot vazirligidan:

• Qahramon Usmonov – Soliq siyosati boshqarmasi boshlig‘i;
• Soliq siyosati boshqarmasi o‘rinbosari;
• Bilvosita soliqlar va bojxona to‘lovlari metodologiyasi kafedrasi mudiri;
• O‘zbekiston Respublikasi Moliya vazirligi huzuridagi “Budjet va soliq tadqiqotlari instituti” ilmiy-tadqiqot instituti vakillari (direktor, o‘rinbosari, menejer).

Yig‘ilishda O‘zbekiston alkogolsiz ichimliklar va sharbat ishlab chiqaruvchilar uyushmasi nomidan:

• Alfiya Musina – O‘zbekiston alkogolsiz ichimliklar va sharbat ishlab chiqaruvchilar uyushmasi ijrochi direktori;
• Nazi Aripjanova – Jamoatchilik bilan aloqalar va kommunikatsiyalar bo‘yicha menejer, O‘zbekiston, Qirg‘iziston, Tojikiston, Turkmaniston, The Coca-Cola Company;
• Vyacheslav Gnasevich – International Beverages Tashkent XK MChJ bosh direktori;
• Aleksandr Redkovets – InternationalBeverages Tashkent XK MChJ marketing bo‘yicha direktori;
• Jasur Tadjibekov – Navruz International Corp MChJ QK menejeri;
• Konstantin Rekun – Inter Food Plus MChJ direktori;
• Syed Adil Jafri – Coca-Cola Icecek Uzbekistan kompaniyasining moliyaviy direktori;
• Urmat Itiboyev – Coca-Cola Icecek Uzbekistan kompaniyasining moliyaviy menejeri ishtirok etishgan.