Aktyorlar qancha mahoratli bo‘lmasin, to‘satdan yuz bergan avtotransport hodisasi tufayli hayoti xavf ostida qolishi tabiiy. Afsuski, ular ham filmlardagi qahramonlari kabi vaqtdan o‘zib ketolmaydi. Quyida jiddiy avtohalokatga uchragan taniqli kino olami vakillariga e’tibor qaratdik.
Kevin Hart
“Jumanji”, “Josus Do‘stlar”, “1+1:Gollivud hikoyasi” kabi filmlar bilan tanilgan mashhur komik aktyor Kevin Hart 2019-yilda avtohalokatga uchraydi. Mashina boshqaruvida uning haydovchisi Jared Blek bo‘lgan. Mashina yo‘ldan chiqib ketishi natijasida yog‘och panjaraga borib urilgan. Mashina ayanchli holatga kelib qolgan, lekin hech kimga zarar yetmagan. Kevin hatto yaqin atrofdagi uylardan biriga piyoda borgan. Shunga qaramay u operatsiyaga muhtoj edi, chunki belidan jiddiy jarohat olgan.
Metyu Broderik
Jennifer Grey 1980-yillarning oxirida Metyu Broderik bilan ishqiy munosabatda bo‘lgan. Aftidan ularning sevgisi juda tez tugaganga o‘xshaydi, chunki ularni 1987-yilda sodir bo‘lgan baxtsiz hodisadan keyin deyarli birga ko‘rishmagan. Metyu Broderik o‘zining Volvo rusumli mashinasini haydab ketayotib, to‘satdan salonida ona va uning qizi bo‘lgan mashina bilan to‘qnashib ketadi. Grey va Broderik yengilroq jarohat oladi, ammo ikkinchi mashinadagilar bilan bunday deb bo‘lmaydi. Keyinchalik Metyu odam o‘limiga olib kelishi mumkin bo‘lgan xavfli haydashda ayblandi, ammo 175 dollar jarima bilan qutulib qoldi.
Maykl B. Jordan
Maykl B. Jordan o‘zining ko‘k rangli Ferrarisini Gollivud bo‘ylab haydab ketayotib, to‘satdan boshqaruvni yo‘qotadi va to‘xtab turgan mashinaga borib uriladi. Maykl jiddiy jarohat olmagan, ammo taʼmirga muhtoj bo‘lgan mashina haqida bunday deb bo‘lmaydi. Biroq u bu hodisadan keyin sog‘ligi haqida tashvishlanganga o‘xshaydi, sababi bu voqeadan keyin mashinada borishi kerak bo‘lgan xayriya tadbirini o‘tkazib yuborgan.
Jeyms Din
Jeyms Din poyga o‘yinlariga o‘zgacha ishtiyoqi bo‘lgan Gollivudning mashhur aktyorlaridan biri edi. Jeymsda eng yaxshi sport avtomobillari bo‘lib, tez-tez poygalarda qatnashib turgan. Hatto u “Indianapolis 500 Miles” musobaqasida ham ishtirok etishni rejalashtirgan, biroq ulgurmagan. 1955-yil 30-sentyabr kuni uning mashinasi 23 yoshli talabaning mashinasi bilan to‘qnashib ketishi natijasida avtohalokat qurboni bo‘ldi. Aybning katta qismi talabada bo‘lishiga qaramay, unga qo‘yilgan barcha ayblovlar olib tashlangan. Jeyms Dinning mashinasi shundan so‘ng, bir necha qo‘ldan o‘tgani va yana bir nechta baxtsiz hodisalarga duch kelgani aytiladi.
Morgan Friman
“Shoushenkdan qochish”, “Baxt ortidan quvib” va boshqa ko‘plab filmlar bilan tanilgan aktyor 2008-yil 71 yoshida o‘zining Nissan Maxima mashinasini ariqqa haydagan va qutqaruvchilar uni olib chiqquncha majaqlangan mashinada bir necha soatni o‘tkazishga majbur bo‘lgan. Taxminlarga ko‘ra, Morgan rulda uxlab qolishi natijasida avtohalokatga uchragan. Baxtsiz hodisa kayfiyatiga unchalik ham yomon ta’sir qilmagan, u qutqaruvchilarga bir nechta hazillar aytib bergan va jarrohlik stoliga yotguncha uxlamagan.
Helli Berri
2000-yilda aktrisa ijaraga olingan mashinani qizil chiroqda haydab, boshqa bir mashinaga borib urgan. Jabrlanuvchiga yordam berish o‘rniga juftakni rostlab qolgan. Boshqa mashinada bo‘lgan jabrlanuvchi aktrisani tez yordam bo‘limida ko‘rganidan keyingina bu Helli Berri ekanligini bilgan. Natijada Berri bir yillik sinov muddati, 13,5 dollar jarima va 200 soatlik jamoat ishlarida qatnashish majburiyatini olgan. Uning avtohalokat sodir bo‘lgan joydan yashiringanligi va jabrlanuvchining ahvoli og‘ir bo‘lganligi sabab hukm ko‘pchilikka yoqmadi. Jabrlangan shaxs yonayotgan mashinada qamalgan va o‘t o‘chiruvchilarni kutishga majbur bo‘lgan.
Pol Uoker
Pol Uoker do‘sti bilan xayriya tadbiridan qaytayotganda ularning mashinasi chiroq ustuniga borib urilgan. Hech kim ularni mashinadan olib chiqishga ulgurmagan, natijada mashina yonib ketgan. O‘sha paytda Pol “Forsaj” filmining yettinchi qismida suratga tushayotgan edi va film ijodkorlari sodir bo‘lgan voqeadan xabar topgach, vaziyatdan chiqish yo‘lini izlay boshlagan. Turli takliflar bo‘lgan, lekin oxir-oqibat hurmat yuzasidan uning rolini filmda chiqarishga qaror qilingan.
Geri Byuzi
Geri Byuzi noodatiy qiyofaga ega, lekin aktyor avval boshqacha ko‘rinishda bo‘lgan. Bu qiyofa motosiklni shlemsiz va xavfli harakatlarni amalga oshirish istagi bilan haydash natijasidir. 1988-yilda Geri yangi Harley Devidson motosiklini olgan paytida avtobusni aylanib o‘tmoqchi bo‘lgan. Natijada ag‘darilib tushgan va to‘g‘ri yo‘l chetiga qarab uchgan. Keyinchalik jiddiy operatsiya va uzoq tiklanishni boshdan kechirishga majbur bo‘lgan.
Izoh (0)