AQSHning Las-Vegas shahrida 17-dekabr, yakshanba kuni UFC 296 musobaqasi bo‘lib o‘tadi.
Turnirning asosiy jangi Kolbi Kovington va Leon Edvards o‘rtasida bo‘lib o‘tadi. Jangchilar vazn o‘lchash marosimida ishtirok etadi. Ular bilan birgalikda amerikalik UFC jangchisi Bilol Muhammad ham vazn o‘lchash marosimida qatnashadi.
Bilol Kovington—Edvards qarama-qarshiligida zaxira jangchisi bo‘ladi. Ikkala sportchidan biri qandaydir sababga ko‘ra jangda ishtirok eta olmasa, Muhammad uni almashtiradi.
Eslatib o‘tamiz, Leon Kolbi Kovingtonga qarshi jangda o‘z kamarini himoya qiladi. Edvards — yarim o‘rta vazndagi amaldagi chempion bo‘lib, so‘nggi ikki jangida Kamaru Usman ustidan g‘alaba qozongan.
UFC 296 ning asosiy kardi bilan tanishing:
Leon Edvards (Buyuk Britaniya) - Kolbi Kovington (AQSh)
Aleksandr Pantoja (Braziliya) - Brendon Royva (AQSh)
Shavkat Rahmonov (Qozog‘iston) - Stiven Tompso (AQSh)
Toni Fergyuson (AQSh) - Peddi Pimblett (Buyuk Britaniya)
Visente Lyuke (Braziliya) - Ien Garri (Irlandiya).
Izoh (0)