Amerikaning Time jurnali 2023-yil odami unvoniga nomzodlar ro‘yxatini e’lon qildi.
Ro‘yxatdan to‘qqiz nomzod joy oldi:
- Gollivud ssenaristlari va aktyorlarining ish tashlashi ishtirokchilari;
- Xitoy Xalq Respublikasi Raisi Si Szinpin;
- Amerikalik qo‘shiqchi Teylor Svift;
- OpenAI bosh direktori Sem Altman;
- AQSH sobiq prezidenti Donald Trampning sudlarida qatnashgan prokurorlar;
- Greta Gervigning “Barbi” filmida bosh qahramonga aylangan Barbi qo‘g‘irchog‘i;
- Rossiya prezidenti Vladimir Putin;
- Buyuk Britaniya qiroli Charlz III;
- AQSH Federal zaxira tizimi raisi Jerom Pauell.
Rossiya prezidentiga oid izohda Putin Ukrainada urushni ikkinchi yil davom ettirayotgani aytiladi. 2023-yilda “Vagner” qo‘zg‘oloni paytida Putin hukmronligiga qisqa muddatli tahdid yuzaga keldi, ammo yakunda baribir uning ta’siri kuchaydi, deb ta’kidlaydi nashr.
Time nashri tomonidan 2023-yil odami nomi 6-dekabr kuni e’lon qilinadi.
2022-yilda, Time nashriga ko‘ra, yil odami sifatida Ukraina prezidenti Vladimir Zelenskiy, shuningdek, Rossiya agressiyasiga qarshilik ko‘rsatishda “Ukrainaning ruhi” ramziga aylangan Ukraina va boshqa mamlakatlar fuqarolari tan olingandi.
Vladimir Putin 2007-yilda Time jurnalida “Yil odami” deb topilgan, shuningdek, bir necha bor dunyoning eng nufuzli 100 kishisi ro‘yxatiga kiritilgan.
Izoh (0)