G‘azo sektorida urush tugaganidan keyin arab davlatlari sektor xavfsizligini ta’minlash uchun u yerga qo‘shin yubormaydi. Bu haqda Iordaniya tashqi ishlar vaziri Ayman Safadiga tayanib, New York Times xabar berdi.
“Odamlar kundan-kunga o‘ldirilmoqda, keyin biz kelib, Isroildan keyingi tartibsizlikni tozalashimiz kerakmi? Bu sodir bo‘lmaydi”, — dedi Safadiy va arab davlatlari falastinliklarga dushman bo'lib qolmasligini aytdi.
Uchrashuvda Bahrayn tashqi ishlar vaziri Abdullatif al-Zayani va BAA katta diplomatik maslahatchisi Anvar Gargash ham ishtirok etdi. Ular G‘azoning urushdan keyingi tuzilishi haqidagi savollariga aniq javob bermadi. Gargash “arab konsensusi”ni qo‘llab-quvvatlab, Misr, Iordaniya va Falastin ma’muriyati pozitsiyasining muhimligini bildirdi.
Biz haqiqatan ham kelib o‘tirib, keyingi qadam G‘azoni boshqarish uchun qandaydir ma’muriyatdir, deb ayta olmaymiz. Agar biz falastinliklarga e’tibor qaratmasak, nima qilsak ham qonuniy bo‘lmaydi. Iordaniya tashqi ishlar vaziri, shuningdek, Isroil Falastinning HAMAS guruhini mag‘lub eta olishiga shubha qildi:
“U yerda juda ko‘p harbiylar bor, men bu maqsadga qanday erishish mumkinligini tushunmayapman”.
Bir necha G‘arb rasmiylari avvalroq G‘azo sektorida arab davlatlari ishtirokida tinchlikparvar kuchlarni tuzish g‘oyasini ilgari surgandi. Isroil hukumati G‘azo sektorida xavfsizlik kuchlarini qoldirish, sektorni “demilitarizatsiya qilish” bilan shug‘ullanish, shuningdek, armiyaga “to‘liq harakat erkinligi”ni berish rejasini e’lon qilgandi.
New York Times gazetasining ma’lum qilishicha, Isroil hukumati G'azo sektori ichida, jumladan, Misr bilan chegarada yangi bufer zona yaratishni va shu tariqa sektorning quruqlikdagi chegaralarini to’liq nazorat qilishni kutmoqda.
“Isroil noma’lum muddatga xavfsizlik uchun umumiy javobgarlikni o‘z zimmasiga oladi, chunki buni qilmasak, nima bo’lganini ko‘rdik. Xavfsizlik uchun mas’ul bo‘lmaganimizda, HAMAS biz tasavvur qila olmaydigan darajada kuchayishiga duch kelamiz”, — dedi Isroil bosh vazir Binyamin Netanyaxu.
Izoh (0)