Janubiy Koreya hukumati va hukmron “Fuqarolik kuchi” partiyasi yil oxirigacha it go‘shtini iste’mol qilishni to‘xtatishga qaratilgan maxsus qonun loyihasini birgalikda qabul qilishga kelishib oldi. Bu haqda Yonhap axborot agentligi xabar berdi.
“Yil oxirigacha it yeyishni to‘xtatish to‘g‘risida maxsus qonun qabul qilinishiga ko‘maklashamiz. Maxsus qonun e’lon qilingan kundan boshlab oziq-ovqat uchun it boqish bilan shug‘ullanuvchi fermer xo‘jaliklari hamda go‘sht so‘yish, sotish bilan shug‘ullanuvchi korxonalar mahalliy hokimliklar ro‘yxatidan o‘tishi va faoliyatini to‘xtatish bo‘yicha chora-tadbirlar rejasini taqdim etishi shart”, — dedi “Fuqarolik kuchi” siyosiy qo‘mitasi raisi Yu I Don ma’lum qildi.
Unga ko‘ra, kompaniyalarga o‘z faoliyatini to‘liq to‘xtatish uchun 3 yil muddat beriladi, 2027-yildan esa uni buzganliklari uchun jarima to‘lashni boshlaydi. Bundan tashqari, rasmiylar to‘liq taqiq kuchga kirishini kutmasdan, amaldagi qoidalarga muvofiq it go‘shtini xarid qilish va tarqatish bilan shug‘ullanadigan korxonalarni tekshirishni boshlaydi.
Janubiy Koreya hukumati maʼlumotlariga ko‘ra, mamlakatda 1150 dan ortiq it fermasi, 34 ta so‘yish kompaniyasi, 219 ta savdo kompaniyasi va menyusida it go‘shti bo‘lgan 1600 dan ortiq restoran mavjud.
Izoh (0)