Isroil armiyasi HAMASning qurol-yarog‘ bo‘limi rahbari Mohsen Abu Zin yo‘q qilinganini e’lon qildi. Bu haqda BBC rus xizmati xabar berdi.
Ma’lum qilinishicha, Abu Zin strategik o‘q-dorilar va raketalar ishlab chiqarishga mas’ul bo‘lgan. Ertalabki brifingda Isroil armiyasi G‘azo sektorida HAMAS infratuzilmasiga havo hujumlarini muvofiqlashtirishni davom ettirayotganini aytdi.
O‘z navbatida, HAMAS vakillari tunda Isroil samolyotlari tomonidan turar joy binolari o‘qqa tutilganini aytdi. Falastinning WAFA axborot agentligi tunda G‘azo shahri va anklavning boshqa qismlarida o‘nlab tinch aholi halok bo‘lganini ma’lum qildi.
Isroil armiyasi hozircha bu ayblovlarga izoh bermagan. So‘nggi haftalarda Isroil harbiylari G‘azo aholisini janubiy hududlarga evakuatsiya qilishga chaqirmoqda, minglab odamlar hamon G‘azo shimolida qolmoqda. Isroilning aytishicha, HAMAS jangarilari aholiga evakuatsiya qilmaslikni maslahat bermoqda.
Izoh (0)