Muvaffaqiyatli o‘tgan UZTELECOM Pitch Day tanlovida iqtidorli startaplar, innovatorlar va texnologiyaning mutaxassislari raqamli texnologiyalar sohasidagi loyihalarini taqdim etdilar.
AKT haftaligi ICT WEEK UZBEKISTAN – 2023 doirasida ushbu tanlov g‘oliblari tantanali ravishda taqdirlandi. Tadbir tashkilotchilari UZTELECOM Pitch Day g‘oliblarini raqamli texnologiyalar (Data-markaz, Mobil aloqa, Telefoniya va Internet*) xizmatlaridan foydalanish loyihalari uchun qimmatbaho sovg‘alar va grantlar bilan taqdirladilar.
“O‘zbektelekom” AK tomonidan raqamli texnologiyalar infratuzilmasi xizmatlaridan foydalanish uchun ajratilgan grantning umumiy summasi 200 million so‘mni tashkil etdi:
- Birinchi o‘rinni “Point AI” jamoa loyihasi egalladi va 100 million so‘m mablag‘ bilan mukofotlandi;
- Ikkinchi o‘rin “Mohir.AI” loyihasiga berildi va jamoaga 60 million so‘mlik mukofot nasib etdi;
- Uchinchi o‘rinni “Sug‘urta Bozor” loyihasi qo‘lga kiritdi va jamoa 40 million so‘mlik grant bilan taqdirlandi.
Ushbu grantlar g‘oliblarga o‘zlarining innovatsion loyihalarini muvaffaqiyatli amalga oshirish va raqamli texnologiyalarni rivojlantirishga hissa qo‘shish imkoniyatini beradi.
Reklama huquqi asosida.
Izoh (0)