2023-yilning 24—27-oktabr kunlari raqamli texnologiyalar sohasidagi yirik tadbir ICTWEEK 2023 doirasida UZTELECOM o‘zining unikal konvergent xizmatlarini taqdim etdi. Ushbu xizmat asosiy xizmatlarni, jumladan, uy interneti, mobil aloqa, televideniye va uy telefonini birlashtiradi.
Stend taqdimotida boshqaruv raisining tijorat masalalari bo‘yicha o‘rinbosari A.Rasulov yangi tarif haqida qisqacha to‘xtalib o‘tdi: “Kompaniyamiz endilikda soddalashtirilgan yechim – konvergent xizmatlarni taqdim etmoqda. Bu bizning abonentlarimizga maksimal nazorat va qulaylikni beradi, chunki ular endi bitta to‘lov tizimi yordamida barcha xizmatlarini bemalol boshqarishlari mumkin. Endi abonent to‘lovlarining har xil kunlarini eslab qolish yoki bir nechta shaxsiy hisobga ega bo‘lish shart emas – bularning barchasi ancha soddalashtirildi. Taklif qilinayotgan yangi imkoniyatlar barcha segmentlardagi foydalanuvchilar uchun biz tomondan taqdim etilayotgan telekommunikatsiya xizmatlariga ajoyib qo‘shimcha bo‘lishiga chin dildan umid qilamiz. Biz xizmatlarimizni takomillashtirish va ularni mamlakatimizning har bir fuqarosi uchun qulay qilish yo‘lida doimiy ish olib boramiz”.
UZTELECOM faol tatbiq etayotgan yangi WTTx texnologiyasi optik tolali ulanishlar bilan taqqoslana oladigan yuqori tezlikdagi simsiz internetga ulanishni ta’minlaydi.
Hujjatlarni taqdim etmasdan turib mobil tarmoqqa bir zumda ulanish imkonini beruvchi SIMkomat innovatsion xizmati tashrifchilarning alohida e’tiborini tortdi. Face ID orqali shaxsni tekshirish texnologiyasi SIM-karta sotib olishni sezilarli darajada osonlashtiradi va mijozlarni keraksiz rasmiyatchiliklardan xalos qiladi.
UZTELECOM tomonidan mamlakat aholisining xavfsizlik va qulaylik darajasini oshiradigan “Video kuzatuv va Domofon” yangi integratsiyalashgan xizmatining joriy etilishi muhim yangilik bo‘ldi.
Kompaniya, shuningdek, tadbirkorlar uchun 5G asosidagi tarmoq yechimlarini taklif etadi. UZTELECOM qishloq xo‘jaligi loyihasi misolida fermerlarga dala va o‘simliklar namligi, havo harorati va tuproq sifati kabi muhim ma’lumotlarni masofaviy datchiklar yordamida kuzatish imkoniyatini taqdim etadi.
Kompaniya abonentlar uchun interaktiv televideniyesining yangi imkoniyatlarini ochadigan TelecomTV xizmatini namoyish etdi. Tadbir doirasida Telecom TV uy kinoteatri orqali tashrif buyuruvchilar ICTWEEK chiptasi hamda Smart TV ham yutib olishlari mumkin.
Self-service, ya’ni o‘z-o‘ziga xizmat ko‘rsatish jarayonini soddalashtirish maqsadida, MyUztelecom mobil ilovasi stendi ham taqdim etilmoqda. MyUztelecom mobil ilovasiga yangilangan funksiya va xizmatlar ham kiritilgan, xususan, yangi “Moliya” menyusi orqali bank kartalarini ulash va to‘lov operatsiyalarini amalga oshirish mumkin. Davlat xizmatlari, Yandex Plus obunasini ulash, yuzni aniqlash texnologiyasi (MyID) orqali foydalanuvchini identifikatsiya qilish, CashBack xizmatlari ham mavjud.
UZTELECOM stendida o‘ziga xos uslubda yaratilgan UztelecomBot xizmati bor. Ushbu loyihada UZTELECOM xizmatlari haqida keng ma’lumot bazasini ko‘ra olish, sun’iy intellektdan foydalanish tufayli javoblarning yuqori tezligi va aniqligiga ega bo‘lish mumkin.
Interaktivni sevuvchilar UZTELECOM’ning o‘yin ishlanmalaridan foydalanib o‘yinlar olamiga sho‘ng‘ib ketishlari mumkin. Ushbu unikal o‘yinlar o‘yinchilarni haqiqat va zulmat qo‘shilib ketadigan sirli dunyoga olib kiradi va ularga unutilmas taassurot taqdim etadi.
Bundan tashqari “O‘zbektelekom” aksiyadorlik kompaniyasi IPO orqali joylashtirish uchun o‘z ustav fondidan jami 5 542 046 dona qo‘shimcha aksiyalar chiqarilishini ro‘yxatdan o‘tkazganligini ma’lum qilindi. Obuna kampaniyasi joriy yil oxirigacha yakunlanishi kutilmoqda. Emissiyaning taxminiy qiymati 33 mlrd so'mdan 55 mlrd So‘mgacha bo‘lgan diapazonga to‘g‘ri keladi.
Portfolio Investments kompaniyasi O‘zmilliybank va SQB bilan konsorsiumda “O‘zbektelekom” IPOning anderrayteri hisoblanadi. Joylashtirish kampaniyasining rasmiy boshlanishi 25-oktyabr kuni soat 11:00 da ICTWEEK UZBEKISTAN forumi doirasida bo‘lib o‘tdi.
Shuni ta’kidlash kerakki, UZTELECOM Tencent CDN-serverlarini (PUBG mashhur o‘yini uchun serverlar) O‘zbekiston Respublikasi hududida lokalizatsiya qilish loyihasini amalga oshirishni boshlaganini e’lon qildi. Hozirgi vaqtda “O‘zbektelekom” AK Markaziy Osiyoda Tencent CDN-serverlarini lokalizatsiya qilish loyihasini amalga oshirgan birinchi va yagona kompaniya hisoblanadi.
PUBG serverlarini lokalizatsiya qilish va ishga tushirish tugallangandan so‘ng, ushbu o‘yinni sevuvchilar serverlarga to‘g‘ridan to‘g‘ri ulanishlari mumkin, bu esa o‘yin ping va sifatini sezilarli darajada yaxshilaydi va o‘yin tajribasini orttiradi.
Reklama huquqi asosida.
Izoh (0)