Farg‘ona viloyati Rishton tumani “Xurramobod” mahalla fuqarolar yig‘ini joylashgan paxta tozalash zavodida yong‘in sodir bo‘ldi. Bu haqda “Daryo”ga viloyat Favqulodda vaziyatlar boshqarmasi matbuot xizmati ma’lum qildi.
Ma’lum qilinishicha, 2021-yil 6-dekabr kuni soat 03:27 da Rishton tumani “Xurramobod” MFY, Xurramobod qishlog‘ida joylashgan paxta tozalash zavodining tayyor mahsulotlar saqlash omborxonasida yong‘in sodir bo‘layotgani to‘g‘risida Farg‘ona viloyati Favqulodda vaziyatlar boshqarmasiga xabar kelib tushgan.
Voqea joyiga yong‘in-qutqaruv ekipajlari soat 03:33 da yetib borib, soat 03:41 da yong‘in qurshab olingan va soat 07:00 da o‘chirilgan.
Hodisa oqibatida jabrlangan va halok bo‘lganlar yo‘q. Hozirda yong‘in sababi va moddiy zarar miqdori aniqlanmoqda.
Mavzuga doir:
- Samarqandda bir-biriga tutash uchta xonadonda yong‘in chiqdi
- Toshkentda 18 nafar ishchi jarohatlangan yotoqxonadagi portlash bo‘yicha maxsus tekshiruv o‘tkazilmoqda
- “Buldozerlar, suv tashuvchi mashinalar va 100 ga yaqin xodimlar jalb etilgan”. Amudaryodagi o‘rmonzorda sodir bo‘lgan katta yong‘in bir necha kunda o‘chirildi
Izoh (0)