La Liga. “Real” o‘z maydonida “Osasuna”ni tor-mor etdi, Jud Bellinghemdan dubl (video)

Futbol bo‘yicha Ispaniya La Ligasining 9-turida “Real” va “Osasuna” jamoalari 7-oktabr, shanba kuni bo‘lib o‘tdi.

Uchrashuvning 9-daqiqasida Jud Bellinghem hisobni ochdi. 54-daqiqada Jud dublni rasmiylashtirdi. Oradan biroz vaqt o‘tib, Vinisius Junior ham o‘z hisobiga gol yozdirib qo‘ydi. 70-daqiqada esa Xoselu hisobni yirik ko‘rinishga olib keldi. Qolgan daqiqalarda darvozalar ishg‘ol etilmadi va madridliklar g‘alaba qozondi.

Karlo Anchelotti jamoasi ochkolari sonini 24 taga yetkazib, musobaqa peshqadami bo‘lib turibdi.

La Liga

9-tur bahsi

7-oktabr, shanba

“Real” – “Osasuna” 4:0

Gollar: 1:0 – 9 Bellinghem, 2:0 – 54 Bellinghem, 3:0 – 65 Vinisius Junior, 4:0 – 70 Xoselu.

“Real Madrid”: Arrisabalaga, Karvaxal (Vaskes, 79), Ryudiger, Tchuameni, Mendi, Modrich (Braim Dias, 79), Valverde, Kamavinga (Kroos, 67), Bellinghem (Sebalyos, 72), Vinisius Junior (Rodrigo, 72), Xoselu.

“Osasuna”: Errera, Areso, David Garsiya, Katena, Xuan Krus, Torro, Monkayola (Ibanes, 80), Oros (Raul Garsiya, 80), Penya (Barxa, 80), Ruben Garsiya (Arnais, 70), Budimir (Chimi Avila, 70).

Ogohlantirishlar: Ryudiger (40), Tchuameni (59), Barxa (83), David Garsiya (83).