Dam olish kunlari respublikaning barcha hududlari bo‘yicha O‘zbekistonning oltin kuzi uchun xos bo‘lgan kam bulutli va quruq ob-havo saqlanib turadi, deb xabar bermoqda “O‘zgidromet”.
Qayd etilishicha, 16—17-sentabr kunlari shamol tezligi cho‘l hududlarda 13-18 metr/sekundgacha kuchayishi, ayrim joylarda chang-to‘zon bilan kuzatilishi mumkin.
Kechasi va ertalab kuzgi salqinlik sezilib turadi, harorat 13-18 daraja atrofida bo‘ladi. Kunduz kunlari esa havo 25-30 darajagacha isiydi.
Respublikaning ayrim tog‘li hududlarida 16—17-sentabr kunlari biroz yomg‘ir yog‘ishi mumkin.
Toshkentda 16—17-sentabr kunlari havo asosan biroz bulutli bo‘ladi, yog‘ingarchilik kutilmaydi. Shamol sharqdan 3-8 metr/sekund tezlikda esadi. Harorat kechalari 15-17 daraja, kunduz kunlari 27-29 daraja bo‘ladi.
Izoh (0)