Buyuk Britaniyaning qator kompaniyalari O‘zbekistondagi davlat xususiy sherikchilik loyihalariga qiziqish bildirmoqda, deb xabar berdi Transport vazirligi matbuot xizmati.
.jpg)
Ma’lum qilinishicha, 22-avgust kuni Transport vazirligida Buyuk Britaniya davlat kotibining parlamentdagi o‘rinbosari, eksport vaziri Malcolm Offord ishtirokida uchrashuv tashkil etildi. Unda Buyuk Britaniyaning qator kompaniyalari davlat xususiy sheriklik asosidagi transport infratuzilma loyihalarida ishtirok etish masalalari muhokama etildi.
Xususan, tez yurar temiryo‘l liniyalarini barpo etish, mahalliy aeroportlarni boshqarish va modernizatsiya qilish, yo‘l xo‘jaligi sohasidagi loyihalar yuzasidan fikr almashildi.
Buyuk Britaniya vakillari injiniring, dizayn, xizmat ko‘rsatish va moliyalishtirish yo‘nalishlarida hamkorlikka tayyor ekanligini bildirdi. Uchrashuv yakunida tomonlar muzokalarni davom ettirishga kelishib oldi.
Izoh (0)