Kambag‘allikni qisqartirish va bandlik vazirligi Xorazmda o‘qituvchilar maktabni tozalash ishlariga jalb etilgani aytilgan xabarlarga munosabat bildirdi.
Ijtimoiy tarmoqlarda Yangibozor tumani 28-maktabda o‘qituvchilarning maktabni tozalash ishlariga jalb qilingani haqidagi xabar Xorazm viloyati Kambag‘allikni qisqartirish va bandlik bosh boshqarmasi Davlat mehnat nazorati inspeksiyasi tomonidan o‘rganilgan.
Unga ko‘ra, tashkilot rahbariga nisbatan xodimlarni Mehnat kodeksining 115-moddasiga zid ravishda mehnat shartnomasida korsatilmagan, o‘z xizmat vazifalari doirasiga kirmaydigan ishlarga jalb qilingani sababli Ma’muriy javobgarlik to‘g‘risidagi kodeksining 49-moddasi (mehnat va mehnatni muhofaza qilish to‘g‘risidagi qonunchilikni buzish) 1-qismi bilan ma’muriy jarima qo‘llangan.
Avgust boshlarida Samarqand viloyatining Kattaqo‘rg‘on tumanidagi o‘qituvchilarni majburiy mehnatga jalb qilgan direktor ishdan olingandi. Shuningdek, Qashqadaryo viloyati Koson tumanidagi maktabni ta’mirlash uchun pul yig‘ilayotgani aytildi. Iyunda esa Toshkent viloyatining Olmaliq shahridagi maktabda o‘qituvchilar majburiy mehnatga jalb etilgani haqida tarqalgan xabarlar ortidan direktorning ma’naviy va ma’rifiy ishlar bo‘yicha o‘rinbosariga chora ko‘rilgan edi.
Izoh (0)