Toshkent viloyatining Ohangaron tumani hokimi Abdurasul Abdullayev boshqa ishga o‘tishi munosabati bilan lavozimidan olindi. Uning o‘rniga tumanga yangi hokim tayinlandi.
.jpg)
Toshkent viloyati hokimligi axborot xizmatining “Daryo”ga bildirishicha, tumanga Kambag‘allikni qisqartirish va bandlik vaziri o‘rinbosari sifatida ishlab kelgan Muhitdinov Erkin Madorbekovich lavozimi munosib ko‘rilgan.
.jpg)
Erkin Muhitdinov 1976-yil Andijon viloyatining Andijon shahrida tug‘ilgan bo‘lib, 1997-yil Andijon iqtisodiyot boshqaruv institutini, 2000-yil Bank-moliya akademiyasini, 2007-yil Rivojlanayotgan iqtisodiyotlar instituti Oliy maktabi (IDEAS-JETRO, Yaponiya)ni tamomlagan.
U faoliyati davomida O‘zbekiston Respublikasi Prezidenti Davlat maslahatchisining ijtimoiy-iqtisodiy masalalar bo‘yicha xizmati yetakchi konsultanti, O‘zbekiston Respublikasi Prezidenti Davlat maslahatchisining ijtimoiy-iqtisodiy masalalar bo‘yicha xizmati sho‘ba mudiri, Bandlik va mehnat munosabatlari vazirining birinchi o‘rinbosari lavozimlarida faoliyat ko‘rsatgan.
Tayinlovga qadar Kambag‘allikni qisqartirish va bandlik vazirining o‘rinbosari sifatida faoliyat yuritib kelgan.
Izoh (0)