Statistika agentligi yanvar–iyun oylarida aholining umumiy daromadlari aks etgan hisobotni eʼlon qildi. Aholi daromadlari tarkibida nafaqa va moddiy yordamlar uchun ajratilgan mablag‘lar ham bor.
Yanvar–iyun oylarida aholining umumiy daromadlari 338,4 trillion so‘mni tashkil etgan. Shundan 28,5 foizi transfertlar ulushiga to‘g‘ri keladi. Pensiya va nafaqalar uchun ajratiladigan mablag‘lar ham transfertlar tarkibidan o‘rin olgan.
Transfertlar – uy xo‘jaliklariga boshqa uy xo‘jaliklaridan, davlat tomonidan, yuridik shaxslardan, chet eldan kelib tushadigan hamda kelgusida qaytarilishi shart bo‘lmagan tovarlar, xizmatlar va aktivlardir.
Ijtimoiy transfertlar tarkibida pensiyalar eng ko‘p ulush 74,1 foizni, tashkil qilgan bo‘lsa, nafaqalar 24 foizni, stipendiyalar 1,9 foizni tashkil etdi. 2022-yilning mos davri maʼlumotlari bilan taqqoslaganda pensiyalarning o‘sish surʼati 21,4 foizni, nafaqalar 6 foizni, stipendiyalar o‘sish surʼati 20,9 foizni tashkil etdi.
Yarim yillikda aholini ijtimoiy qo‘llab-quvvatlash maqsadida jami 9 trillion so‘mlik nafaqa va moddiy yordamlar ajratildi. Mazkur mablag‘larning 32,6 foizi budjetdan tashqari Pensiya jamg‘armasi hisobidan moliyalashtiriladigan davlat ijtimoiy sug‘urtasi bo‘yicha nafaqalar hisoblanadi. Qolgan 67,4 foizi esa respublika va mahalliy budjet mablag‘lari hisobidan moliyalashtirilgan.
Izoh (1)
пенсиялар 21.4 стипендиялар 20.9 процентга ошганини тушунмадик