Chirchiq davlat pedagogika universitetida 2023/2024-o‘quv yili uchun kunduzgi ta’lim shaklining 27 ta ta’lim yo‘nalishiga 2165 ta, kechki ta’lim shaklining 10 ta’lim yo‘nalishiga 575 ta, sirtqi ta’lim shaklining 13 ta yo‘nalishiga 1170 ta hamda magistratura mutaxassisliklarining 21 ta’lim yo‘nalishiga 192 ta kvota ajratildi.
Universitetda bugungi kunda 10 ta fakultet, 39 ta kafedra bo‘lib, jami 440 nafar professor-o‘qituvchilar dars berib borishadi.
Bugungi kunda universitetda 8265 nafar bakalavriatning kunduzgi ta’lim shakli bo‘yicha, 11512 nafar bakalavriatning sirtqi ta’lim shakli bo‘yicha, 1411 nafar bakalavriatning kechki ta’lim shakli bo‘yicha, 146 nafar bakalavriatning qo‘shma ta’lim shakli bo‘yicha va 437 nafar magistraturaning mutaxassisliklari bo‘yicha, jami 21771 nafar talaba ta’lim olib kelmoqda. 2023-yil universitetni 4004 nafar talaba muvaffaqiyatli tamomladi.
2022/2023-o‘quv yilida universitet bakalavriat kunduzgi, sirtqi va kechki ta’lim shakllari bo‘yicha tasdiqlangan qabul parametrlari 3620 nafarni tashkil etib, 4872 nafar abituriyentlar universitet talabalar safiga qabul qilingan bo‘lib, shundan qo‘shimcha imtiyozli va tabaqalashtirilgan to‘lov-kontrakt asosida qabul qilingan abituriyentlar tasdiqlangan qabul parametrlariga nisbatan 1252 nafarni ya’ni 34,6 foizi ortig‘i bilan amalga oshirilgan.
Abituriyentlar kirish test sinovlarida universitet bo‘yicha o‘rtacha o‘tish ballari kunduzgi ta’lim shaklining o‘zbek tili ta’lim yo‘nalishlarida 120,4 ballni, rus tili ta’lim yo‘nalishlarida 83,9 ballni, qozoq tili ta’lim yo‘nalishlarida 88,3 ballni, tojik tili ta’lim yo‘nalishlarida 58,7 ballni tashkil etgan.
Magistratura mutaxassisliklariga qabul ikki bosqichda yozda va qishda amalga oshirilib, jami 99 nafar talabgorlar talabalar safiga qabul qilingan.
2023/2024-o‘quv yili uchun bakalavriatning kunduzgi ta’lim shakli uchun jami 27 ta ta’lim yo‘nalishi bo‘yicha 2165 ta o‘rin ajratilgan bo‘lib, ulardan 550 tasi davlat granti asosida, 1615 tasi to‘lov-kontrakt asosida tasdiqlangan, jumladan, bitta amaliy psixologiya ta’lim yo‘nalishi yangi kiritilgan.
Bundan tashqari, bakalavriatning sirtqi ta’lim shakli uchun jami 1170 ta o‘rin to‘lov-kontrakt asosida, kechki ta’lim shakli uchun esa 575 ta o‘rin ajratilgan.
Magistraturada 21 ta mutaxassisliklar bo‘yicha jami 192 ta o‘rin ajratilgan bo‘lib, bulardan 60 tasi davlat granti asosida, jumladan, 1 ta yangi psixologiya bo‘yicha mutaxassislik tasdiqlangan.
Izoh (0)