Чирчиқ давлат педагогика университетида 2023/2024-ўқув йили учун кундузги таълим шаклининг 27 та таълим йўналишига 2165 та, кечки таълим шаклининг 10 таълим йўналишига 575 та, сиртқи таълим шаклининг 13 та йўналишига 1170 та ҳамда магистратура мутахассисликларининг 21 таълим йўналишига 192 та квота ажратилди.
Университетда бугунги кунда 10 та факультет, 39 та кафедра бўлиб, жами 440 нафар профессор-ўқитувчилар дарс бериб боришади.
Бугунги кунда университетда 8265 нафар бакалавриатнинг кундузги таълим шакли бўйича, 11512 нафар бакалавриатнинг сиртқи таълим шакли бўйича, 1411 нафар бакалавриатнинг кечки таълим шакли бўйича, 146 нафар бакалавриатнинг қўшма таълим шакли бўйича ва 437 нафар магистратуранинг мутахассисликлари бўйича, жами 21771 нафар талаба таълим олиб келмоқда. 2023 йил университетни 4004 нафар талаба муваффақиятли тамомлади.
2022/2023-ўқув йилида университет бакалавриат кундузги, сиртқи ва кечки таълим шакллари бўйича тасдиқланган қабул параметрлари 3620 нафарни ташкил этиб, 4872 нафар абитуриентлар университет талабалар сафига қабул қилинган бўлиб, шундан қўшимча имтиёзли ва табақалаштирилган тўлов-контракт асосида қабул қилинган абитуриентлар тасдиқланган қабул параметрларига нисбатан 1252 нафарни яъни 34,6 фоизи ортиғи билан амалга оширилган.
Абитуриентлар кириш тест синовларида университет бўйича ўртача ўтиш баллари кундузги таълим шаклининг ўзбек тили таълим йўналишларида 120,4 баллни, рус тили таълим йўналишларида 83,9 баллни, қозоқ тили таълим йўналишларида 88,3 баллни, тожик тили таълим йўналишларида 58,7 баллни ташкил этган.
Магистратура мутахассисликларига қабул икки босқичда ёзда ва қишда амалга оширилиб, жами 99 нафар талабгорлар талабалар сафига қабул қилинган.
2023/2024-ўқув йили учун бакалавриатнинг кундузги таълим шакли учун жами 27 та таълим йўналиши бўйича 2165 та ўрин ажратилган бўлиб, улардан 550 таси давлат гранти асосида, 1615 таси тўлов-контракт асосида тасдиқланган, жумладан, битта амалий психология таълим йўналиши янги киритилган.
Бундан ташқари, бакалавриатнинг сиртқи таълим шакли учун жами 1170 та ўрин тўлов-контракт асосида, кечки таълим шакли учун эса 575 та ўрин ажратилган.
Магистратурада 21 та мутахассисликлар бўйича жами 192 та ўрин ажратилган бўлиб, булардан 60 таси давлат гранти асосида, жумладан, 1 та янги психология бўйича мутахассислик тасдиқланган.
Изоҳ (0)