“Asakabank” AJ Andijon shahridagi “Makro Farm Andijan” farmatsevtika kompaniyasiga press-tur uyushtirdi. 2014-yilda farmatsevtika sohasida o‘z faoliyatini boshlagan mazkur korxonaga Asakabank 9 yildan buyon xizmat ko‘rsatib kelmoqda. Korxonaga bugungi kunda jami 43,0 mlrd so‘mdan ortiq kredit mablag‘lari ajratilgan va buning natijasida korxona tomonidan bir yil davomida jami 180 000 dona bir martalik 1, 2, 5 va 10 ml hajmidagi tibbiyot shprislari, 20 000 dona bir martalik infuzion tibbiyot sistemasi va boshqa farmatsevtika mahsulotlarini ishlab chiqarish imkoniyatiga ega bo‘lgan.
Foto: Asakabank
Korxonaning asosiy faoliyat turi farmatsevtika mahsulotlari va preparatlari ishlab chiqarish, qadoqlash va ulgurja savdo hisoblanadi. Makro Farm Andijan yuzdan ortiq xodimni ish bilan taʼminlagan va kelgusida ishchi o‘rinlarni ko‘paytirishni rejalashtirgan.
Foto: Asakabank
Bugungi kunda Asakabank tomonidan farmatsevtika loyihalarini har tomonlama qo‘llab-quvvatlash va innovatsion loyiha ishlanmalarini moliyalashtirishga ko‘maklashish maqsadida, tarmoqda faoliyat yurituvchi korxonalarning aylanma mablag‘larini to‘ldirish uchun milliy va xorijiy valyutada “Farm Develop” va “Farm Export” nomli kredit va 6 xil turdagi lizing mahsulotlari, “Farmatsevt” nomli xizmat ko‘rsatish bank tarifi va GMP sertifikatini olish jarayoni yanada yengillashtirish maqsadida yangi bank mahsulotlarini taklif qilib kelmoqda.
Foto: Asakabank
Eslatib o‘tamiz, Prezident boshchiligida 2023-yil 18-aprel kuni “Suv xo‘jaligi va farmatsevtika sanoatida amalga oshirilayotgan loyihalar hamda kelgusi vazifalar” yuzasidan o‘tkazilgan yig‘ilishidaa farmatsevtika tarmog‘ini rivojlantirish yuzasidan tegishli vazifa va topshiriqlar berilgan hamda mazkur sohani moliyaviy qo‘llab-quvvatlash sifatida “Asakabank” AJ masʼul etib belgilangan edi.
Batafsil ma’lumotni ushbu havoladan olishingiz mumkin.
Reklama huquqi asosida.
Izoh (0)