“O‘zmilliybank” AJ va Buyuk Britaniyaning Standard Chartered banki 100 mln AQSh dollariga kelishuv imzoladi

Joriy yilning 6-iyul kuni “Yangi O'zbekiston: taraqqiyot, innovatsiya va ma‘rifat” xalqaro sheriklik tashabbuslari haftaligi doirasida “O'zbekiston Respublikasi tashqi iqtisodiy faoliyat Milliy banki” aksiyadorlik jamiyati (keyingi o'rinlarda “O'zmilliybank” deb yuritiladi) tomonidan Investor Day – “Yangi O'zbekistonning investitsiya salohiyati” xalqaro konferensiyasi tashkil etildi.

Ushbu tadbir doirasida “O‘zmilliybank” AJ Buyuk Britaniyaning yetakchi Standard Chartered Bank banki bilan Multilateral Investment Guaranteye Agency (MIGA) jahon eksport-kredit agentligi kafolati ostida kredit liniyasini jalb qilish bo‘yicha kelishuv imzoladi. 

Ma’lumot uchun:

• MIGA eksport – kredit agentligi va Jahon banki guruhining a’zosi. Institut rivojlanayotgan mamlakatlar uchun jalb qilingan kredit liniyalari va to‘g‘ridan to‘g‘ri xorijiy investisiyalar bo‘yicha turli mamlakatlarning moliya institutlari bilan hamkorlik qiladi. 
• MIGA eksport kredit agentligining asosiy afzalligi — ma’lum bir mamlakat tarkibiga bo‘lgan talabning yo‘qligi. Bu esa istiqbolli loyihalarni moliyalashtirish imkoniyatlarini moslashuvchan tarzda tuzish imkonini beradi. 
• Ikkala tomon o‘rtasida erishilgan kelishuv o‘z yo‘nalishi bo‘yicha eksklyuziv bo‘lib, investisiya va infratuzilma loyihalarini moliyalashtirish uchun uzoq muddatli kredit liniyalarini jalb qilish, shuningdek, kichik va o‘rta biznes sub’ektlarining faoliyatini qo‘llab-quvvatlash imkoniyatini beradi. 
• Standard Chartered Bank kredit liniyasi kichik va o‘rta biznesning muqobil energetika, elektrotexnika, to‘qimachilik, transport, telekommunikasiya va boshqa sohalardagi investisiya loyihalarini moliyalashtirishga yo‘naltiriladi. Ushbu loyihalarni amalga oshirish natijasida yangi ish o‘rinlari yaratilishi, yuqori qo‘shimcha qiymatga ega eksportga yo‘naltirilgan mahsulotlar ishlab chiqarish va import o‘rnini bosish ta’minlanadi. 
• Standard Chartered Bank Buyuk Britaniyaning eng yirik banklaridan biri bo‘lib, 1969-yilda tashkil etilgan. Bank aktivlari 820 milliard dollardan oshadi, kapital 50 milliard dollar va foyda-2,9 milliard dollarga teng. Xalqaro bozorda bank mahsulotlari va xizmatlarining barcha asosiy turlarini taqdim etadi.

Reklama huquqi asosida.