Aliya Bhatt, Zarina Xon va ko‘p vazn yo‘qotib, tanib bo‘lmas darajada o‘zgargan boshqa Bollivud aktrisalari (foto)

Aktyorlarning ishi oson emas. Ular nafaqat o‘z ijrolari ustida ishlashi, balki qomati va tashqi ko‘rinishini muntazam nazorat qilib borishi kerak. Aktyorlarning yonida parhezlarini kuzatib boradigan murabbiylar, maslahatchilar va dietologlar bor, biroq ular yaxshi ko‘rinishga ega bo‘lishi uchun o‘zi ko‘p mehnat qilishi kerak. Bollywoodtime nashri ko‘p vazn yo‘qotib, tanib bo‘lmas darajada o‘zgargan hind aktrisalari haqida ma’lumot berdi.

Sara Ali Xon

Aktyorlar Saif Ali Xon va Amrita Singhning qizi Sara aktrisa bo‘lish istagini bildirganda, muxlislar hayratda qoldi. Keyinchalik u chet elda tahsil oldi va 96 kilogrammdan ortiq vazn to‘pladi. Sara gormonal sog‘liq muammolaridan tashqari tez ovqatlanishni yaxshi ko‘rardi. U vazn yo‘qotish uchun eng yaxshi murabbiylar, dietologlar bilan bir yarim yil mashg‘ulot o‘tkazdi va nosog‘lom bo‘lishga olib keladigan ovqatlardan voz kechdi.

Bhumi Pednekar

Ko‘pgina aktrisalar debyut filmlarida chiroyli ko‘rinishga ega bo‘lish uchun vazn yo‘qotsa, Bhumida bu holat aksincha edi. Aktrisa “Mening kelinim XXL” filmidagi roli uchun rekord darajadagi 15 kilogramm vazn to‘pladi va  shundan keyin 20 kilogramm vazn yo‘qotdi. Aktrisa rollar uchun vazn to‘plashga va yo‘qotishga roziligini aytgan.

Aliya Bhatt

Ko‘plab hind kinosi muxlislari aktrisa Aliya Bhatt yoshligida nozik va oriq bo‘lmaganini bilmaydi.

Ko‘pchilik bilmaydigan narsa shundaki, aktrisa Aliya Bhatt har doim ham bu qadar oriq va nozik bo‘lmagan. Uning to‘mtoq yonoqlari ekranga zo‘rg‘a sig‘adigan kasting jarayonidagi videosi ijtimoiy tarmoqlarda tarqalgach, muxlislar uning ko‘rinishidan hayron qoldi. Aktrisa “Yil talabasi” filmidagi roli uchun uch oyda 20 kilogramm vazn yo‘qotishi kerak edi.

Zarina Xon

Aktrsa Zarina Xon nafaqat ortiqcha vazn bilan, balki insonlarning masxara qilishi bilan ham kurashgan. Ortiqcha vazn tufayli uni Zarina emas, Jirjina deb chaqirishgan.

Zarina parhez, mashg‘ulotlar va kuchli iroda tufayli 100 kilogrammdan 56 kilogrammgacha vazn yo‘qotishga muvaffaq bo‘ldi.

Sonakshi Sinha

Sonakshi aktrisa bo‘lishdan oldin juda ko‘p, ya’ni 90 kilogrammdan ortiq vaznga ega edi. U Bollivudga kirishdan oldin juda qattiq mashq qildi va deyarli 30 kilogrammdan ortiq vazn yo‘qotdi.

Aktrisaning so‘zlariga ko‘ra, hozir uning ahvoli yaxshi va u Salmon Xondan juda minnatdor, chunki Sonakshi uning yordamisiz hech qachon vazn yo‘qotishda irodali bo‘la olmasdi.

Pariniti Chopra

Priyanka Chopraning singlisi Pariniti ham o‘zini yaxshi his qilishi uchun qo‘shimcha vaznda xalos bo‘ldi.

Aktrisa intervyularining birida: “Men butun umrim davomida tashqi ko‘rinishim bilan kurashdim. Doim ustimdan kulishardi va o‘tkir hazillarga chidashga majbur bo‘ldim. Bugungi kunda o‘zimga bo‘lgan ishonch yanada kuchli, o‘zimni xotirjam his qilyapman va o‘zim bilan faxrlanaman!”

Sonam Kapur

Rejissor Sanjay Lila Bhansali Sonamni 2007-yilda suratga olingan “Sevimlilar” filmiga taklif qilganida, u aktrisaga faqatgina bitta: darhol vazn yo‘qotish shartini qo‘ydi.  Aktrisa dietolog onasi Sunita va Sanjay yordamida 32 kilogramm vazn yo‘qotdi va shundan keyin vaznini saqlab qolishga harakat qildi.

Sonam shartnoma imzolashdan oldin 86 kilogramm bo‘lganiga ko‘pchilik ishonmaydi. “Rostini aytsam, onam menga ozishda yordam berdi. U qilgan birinchi ish juda yaxshi ko‘rgan narsalarimdan: shokolad, muzqaymoq, qovurilgan taomlar va shirinliklardan voz kechishim kerakligini aytish bo‘ldi”, — deydi aktrisa.