O‘zbekiston o‘smirlar terma jamoasi Jamoliddin Rahmatullayev U-17 Osiyo Kubogi—2023 yarim finali doirasida o‘tadigan Janubiy Koreyaga qarshi o‘yin oldidan o‘z fikrlari bilan o‘rtoqlashdi.
Ertangi o‘yin haqida:
Avvalambor, bu bosqichga yetib kelgan jamoalarni tabriklayman. Ertaga bizni muhim uchrashuv kutib turibdi. Koreya terma jamoasini yaxshi bilamiz. Oxirgi uchrashuvda g‘alaba qozonganmiz. Asosiy maqsadimiz ushbu g‘alaba tasodif emasligini isbotlash. O‘ylaymanki, yarim finalda o‘zimiz uchun kerakli bo‘lgan natijani qo‘lga kiritamiz.
Turnir haqida:
Biz katta maqsad va ishtiyoq bilan musobaqaga kelganmiz. Oldimizda turgan minimal maqsad, Jahon Chempionatiga yo‘llanmani qo‘lga kiritdik. Endi esa asosiy maqsadimiz turnirda zafar quchishni uddalashimiz zarur. Oldimizda ikkita muhim uchrashuv kutib turibti. Ularni ijobiy natija bilan hal qilish uchun bor kuchimizni beramiz.
Koreyaga qarshi o‘yin uslubi haqida:
Albatta raqibimizni o‘rganib chiqdik. Barcha jamoalarda bo‘lgani singari ularning kuchli va kuchsiz tomonlari bor. Ertaga rejalarimizni amalda ko‘rsatishga harakat qilamiz.
Eslatib o‘tamiz, O‘zbekiston o‘smirlar terma jamoasining yarim finaldagi Janubiy Koreyaga qarshi o‘yini 29-iyun kuni bo‘lib o‘tadi.
Izoh (0)