2023-yil 17-iyun kuni Abdurashid Iminov amerikalik tadbirkorlar va bir vaqtning o‘zida Drivo Rent-A-Car asoschilari – Timur Jo‘rayev va Baxtiyar Qodirov bilan hamkorlikda Nyu-Yorkda o‘zining yangi GŌSHT halol restoranini ochdi.
Abdurashid Iminov - restoran biznesi olamida o‘zini muvaffaqiyatli namoyon etgan taniqli tadbirkor. U ish o‘rinlari o‘sishiga olib kelgan ko‘plab muvaffaqiyatli loyihalarga asos solgan, hozirda 400 dan ortiq kishi rasmiy ish o‘rinlari bilan ta’minlangan.
Ochilish marosimida Nyu-York meri – Erik Adams, O‘zbekistonning AQSHdagi elchisi – Furqat Sidiqov, “Abu Hanifa” masjidining imom-xatibi Hakim Samandarov, Bruklin “Savdo va sanoat palatasi” prezidenti Rendi Pirs va mashhur o‘zbek honandasi Shahriyer ishtirok etishdi. Ular restoran muhiti va ushbu kutilgan tadbirda taqdim etilgan oshpazlik san’at asarlaridan hayratda qolishdi.
Tashkil etilgan ekzotik avtomobillarning paradi esa, kunning haqiqiy sensasiyasiga aylandi. Barcha mehmonlar hashamatli avtomobillarni ko‘rish, suratga tushish va unutilmas taassurotlarga ega bo‘lish imkoniyatini qo‘lga kirittilar.
Shuningdek, shu kuni Bruklin aholisi uchun GŌSHT GROUP’ning eng yaxshi an’analariga ko‘ra 1500 ta burger tayyorlandi. Go‘sht va ziravorlarning xushbo‘y hidi odamlarni Gōsht kengliklariga jalb qildi.
Qayd etish joizki, Gōsht Nyu-Yorkning yangi filiali yonida Abdurashid Iminov va rossiyalik shou-biznes yulduzi MC DONIning yana bir loyihasi - TOPOR barbershopi joylashgan.
Abdurashid Iminov o‘z loyihalarida nafaqat haqiqiy o‘zbek mehmondo‘stligi va madaniyatini targ‘ib qiladi, balki stereotiplarni buzib, o‘zbek brendi jahon miqyosidagi ulkan bozorda ham raqobatbardosh bo‘la olishini isbotlaydi. Buni yilning birinchi yarmida restoranning test rejimida ishlashi, 1000 dan ortiq qoniqgan tashrif buyuruvchilar va qoldirilgan 92,3% ijobiy izohlar tasdiqlaydi.
GŌSHT restoranining ochilishi, “Go‘sht ustalari” dunyo savdo markaziga ishonch bilan kirib, hayotimizga yangi ta’mlar, xushbo‘y hidlar va tajribalarni olib kirishda davom etayotganining tasdig‘idir.
Izoh (0)