Toshkent shahar Olmazor tumanida 38 yoshli erkak 4-qavatdagi uyidan o‘zini tashlab, joniga qasd qildi. Bu haqda Bosh prokuratura axborot xizmati “Daryo”ga ma‘lum qildi.
Unga ko‘ra, holat 4-iyundan 5-iyunga o‘tar kechasi soat 00:30 larda Olmazor tumani, Qoraqamish 2/1 dahasida sodir bo‘lgan. Uning o‘limi bosh ko‘krak yopiq to‘mtoq jarohatlari, chap chakka peshona suyagi katta bo‘lakchali sinishi, chap tomondan 2,3,4,5-qovurg‘alar yopiq sinishi, tanasida ko‘plab shilinmalar natijasida yuz berganligini aniqlangan.
Tergovga qadar tekshiruv davomida I.A. yuqorida ko‘rsatib o‘tilgan manzilda oilasi bilan ijarada yashagani, ro‘yxatdan o‘tmasdan buyurtma asosida Akfa romlar ishlab chiqarish faoliyati bilan shug‘ullanib kelgani, qarzlari ko‘payib ketgani sababli tushkunlikda yurgani, 4-iyundan 5-iyunga o‘tar kechasi yotoqxonadagi oynada turib, sigaret chekib o‘zini tashlab yuborgani ma‘lum bo‘lgan.
Mazkur holat yuzasidan Olmazor tumani prokuraturasi tomonidan I.A. o‘zini tashlab yuborish sabablarini aniqlashga qaratilgan tergovga qadar tekshiruv harakatlari o‘tkazilayotgan bo‘lib, o‘limi sababini aniqlash yuzasidan sud tibbiy ekspertizasi tayinlangan.
O‘tkazilayotgan tergovga qadar tekshiruv Toshkent shahar prokuraturasi tomonidan nazoratga olingan. Natijasiga ko‘ra, qonuniy qaror qabul qilinadi.
Izoh (0)