IMZO kompaniyasi va AnorBank o‘rtasidagi ushbu memorandum yuqori sifatli oyna-rom tizimlarini xarid qilish va o‘rnatish uchun yanada qulay shart-sharoitlar yaratishga qaratilgan.
IMZO fabrikasi Markaziy Osiyodagi deraza va eshik konstruksiyalarini ishlab chiqaruvchi yetakchi korxonalardan biri bo‘lib, kafolatlangan sifatli mahsulotni taqdim etish va yuqori darajadagi xizmat ko‘rsatishga intiladi. Ushbu vazifadan kelib chiqib IMZO fabrikasi doimiy ravishda har bir mijozning ehtiyojlarini maksimal darajada qondirishga qaratilgan yangi yechimlarni izlaydi.
2023-yil 17-may kuni IMZO fabrikasi Toshkent shahridagi AnorBank raqamli banki bilan hamkorlik memorandumini imzoladi. Ushbu hujjat sifatli oyna-rom tizimlarini sotib olish va o‘rnatish uchun ortib borayotgan talabni qondiradi.
Memorandumning imzolanishi xonadoniga qo‘shimcha qulaylik, xavfsizlik va farovonlik olib kelish istagida bo‘lgan aholimiz uchun yangi imkoniyatlar taqdim etadi. Endilikda mijozlar IMZO fabrikasining mahsulotlarini xarid qilishda AnorBank ning foydali muddatli to‘lov tizimi va iste’mol kreditlaridan foydalanishlari mumkin bo‘ladi.
Bundan tashqari, kelgusida iste'molchilarning xohish-istaklarini tahlil qilish asosida IMZO kompaniyasi va AnorBank mahsulotlarni sotishning yangi mexanizmlarini, shuningdek, xizmat ko‘rsatish sifatini yanada oshirish va mijozlar ehtiyojini qondirish bo‘yicha hamkorlikda dasturlarini ishlab chiqish va joriy etishni rejalashtirmoqda.
AnorBank mijozlari tomonidan IMZO fabrikasi mahsulotlarini xarid qilish shartlari bo‘yicha qo‘shimcha ma’lumotlarni yagona Call-markaziga qo‘ng‘iroq qilish orqali hamda kompaniyaning ijtimoiy tarmoqlardagi sahifalaridan olishingiz mumkin.
Call-markaz: +988-71−207−77−77.
Reklama huquqi asosida.
Izoh (0)