Sian shahrida bo‘lib o‘tayotgan Xitoy—Markaziy Osiyo birinchi sammiti sharafiga tashkil etilgan biznes-forum doirasida “Asakabank” AJ va Xitoyning Sinosure eksport-kredit agentligi o‘rtasida ikki davlat o‘rtasidagi savdo-sotiqni qo‘llab-quvvatlash maqsadida 100,0 million dollari miqdorida hamkorlik kelishuvi imzolandi.
Mazkur kelishuv “Asakabank” va Sinosure o‘rtasidagi 2017-yildan boshlangan muvaffaqiyatli va samarali hamkorlikning davomi bo‘ldi. O‘tgan davr mobaynida umumiy qiymati 128,8 million dollarlik ikkita yirik loyiha birgalikda amalga oshirildi.
Ta’kidlash lozimki, “Asakabank” O‘zbekistonda birinchilardan bo‘lib Sinosure sug‘urta qoplamasi ostida loyihalarni amalga oshirgan.
Sian shahrida imzolangan kelishuv bozorda o‘xshashi bo‘lmagan bu turdagi birinchi hujjat bo‘lib, ikki moliya institutlari o‘rtasidagi hamkorlikni mutlaqo yangi bosqichga ko‘taradi. Shunday qilib, imzolangan kelishuv “Asakabank” uchun quyidagi imkoniyatlarni yaratadi:
Nafaqat uzoq muddatli loyihalarni moliyalashtirish uchun Sinosure sug’urta qoplamasini jalb qilish, balki uning qisqa muddatli mablag’laridan foydalangan holda xitoy tarkibiga ega loyihalarni moliyalashtirish.
Xitoy bilan savdo aylanmasini amalga oshiruvchi kichik va o‘rta biznes vakillarining operatsiyalarini eksport qiluvchining hisob raqamiga mablag‘larni to‘g‘ridan to‘g‘ri o‘tkazish imkoniyati bilan moliyalashtirish.
AQSh dollarida ham, Xitoy yuanida ham moliyaviy operatsiyalar amalga oshiriladi, bu mablag'larni konvertatsiya qilishda valyuta xarajatlaridan qisqartirish, valyuta risklarini diversifikatsiya qilish, shuningdek, kichik va o‘rta biznes vakillari tomonidan to'lovlarni amalga oshirganda qulaylik yaratish imkonini beradi.
Kelishuvlar doirasida tomonlar “Asakabank” AJ va Sinosure xodimlari o‘rtasida tajriba almashish uchun muntazam treninglar o‘tkazishga ham kelishib oldilar.
Ma’lumot uchun
China Export & Credit Insurance Corporation (Sinosure) Xitoyning eksport kreditlarini sug'urtalovchi korporatsiyasi bo'lib, “Bir makon, bir yo’l” dasturining bir qismidir. Sinosure 2001-yilda Xitoy Xalq sug'urta kompaniyasining (PICC) eksport kreditlari bo'limi va Xitoy Eksport-import bankining sug‘urta bo‘limini birlashtirish orqali tashkil etilgan. Faoliyatining asosiy yo‘nalishlari eksport kreditlarini o‘rta va uzoq muddatli sug‘urtalash, xorijiy investitsiyalarni sug‘urtalash, qisqa muddatli eksport kreditlarini sug‘urtalash va boshqalar. London, Dubay, Moskva, Yoxannesburg, San-Paulo, Jakarta va Qohirada vakillik ofislari bor.
Reklama huquqi asosida.
Izoh (0)