IMZO компанияси ва AnorBank ўртасидаги ушбу меморандум юқори сифатли ойна-ром тизимларини харид қилиш ва ўрнатиш учун янада қулай шарт-шароитлар яратишга қаратилган.
IMZO фабрикаси Марказий Осиёдаги дераза ва эшик конструкцияларини ишлаб чиқарувчи етакчи корхоналардан бири бўлиб, кафолатланган сифатли маҳсулотни тақдим этиш ва юқори даражадаги хизмат кўрсатишга интилади. Ушбу вазифадан келиб чиқиб IMZO фабрикаси доимий равишда ҳар бир мижознинг эҳтиёжларини максимал даражада қондиришга қаратилган янги ечимларни излайди.
2023 йил 17 май куни IMZO фабрикаси Тошкент шаҳридаги AnorBank рақамли банки билан ҳамкорлик меморандумини имзолади. Ушбу ҳужжат сифатли ойна-ром тизимларини сотиб олиш ва ўрнатиш учун ортиб бораётган талабни қондиради.
Меморандумнинг имзоланиши хонадонига қўшимча қулайлик, хавфсизлик ва фаровонлик олиб келиш истагида бўлган аҳолимиз учун янги имкониятлар тақдим этади. Эндиликда мижозлар IMZO фабрикасининг маҳсулотларини харид қилишда AnorBank нинг фойдали муддатли тўлов тизими ва истеъмол кредитларидан фойдаланишлари мумкин бўлади.
Бундан ташқари, келгусида истеъмолчиларнинг хоҳиш-истакларини таҳлил қилиш асосида IMZO компанияси ва AnorBank маҳсулотларни сотишнинг янги механизмларини, шунингдек, хизмат кўрсатиш сифатини янада ошириш ва мижозлар эҳтиёжини қондириш бўйича ҳамкорликда дастурларини ишлаб чиқиш ва жорий этишни режалаштирмоқда.
AnorBank мижозлари томонидан IMZO фабрикаси маҳсулотларини харид қилиш шартлари бўйича қўшимча маълумотларни ягона Call-марказига қўнғироқ қилиш орқали ҳамда компаниянинг ижтимоий тармоқлардаги саҳифаларидан олишингиз мумкин.
Call-марказ: +988-71−207−77−77.
Реклама ҳуқуқи асосида.
Изоҳ (0)