23 yoshgacha bo‘lgan futbolchilar o‘rtasidagi Osiyo Kubogi—2024 musobaqasining yangi sanasi ma’lum qilindi.
Qatar mezbonlik qiladigan musobaqa 2024-yilning 24-aprelidan 3-mayiga qadar bo‘lib o‘tadi. Mazkur turnirda Parij—2024 Olimpiadasiga yo‘llanmalar o‘ynaladi.
Avvaliga U-23 Osiyo Kubogi yanvar oyida o‘tkazilishi belgilangandi. Biroq Osiyo Kubogining 2023-yilning yozidan 2024-yilning boshiga ko‘chirilishi sabab muddatlar o‘zgargan.
Avvalroq O‘zbekiston mazkur musobaqa saralash bosqichi mezbonlaridan biriga aylanishi xabar qilingandi.
4—12-sentabr kuni o‘tkaziladigan saralash bosqichiga 25-may kuni qur’a tashlanadi.
Izoh (0)