U-23 Osiyo Kubogi saralash o‘yinlari O‘zbekistonda o‘tkaziladi

Osiyo Futbol Konfederatsiyasi U-23 Osiyo Kubogi saralash o‘yinlariga mezbonlik qiladigan davlatlarnining nomini e’lon qildi.

Unga ko‘ra, O‘zbekiston Olimpiya terma jamoasi qur’a natijasiga ko‘ra o‘rin oladigan guruh uchrashuvlari O‘zbekiston maydonlarida o‘tkaziladi. O‘yinlar joriy yilning 4-12-sentyabr kunlari o‘tkazilishi rejalashtirilgan.

Saralash o‘yinlariga mezbonlik qiladigan mamlakatlar: Bahrayn, Xitoy, Indoneziya, Iordaniya, Kuvayt, Janubiy Koreya, Saudiya Arabistoni, Tojikiston, Tailand, Vyetnam va O‘zbekiston. 

Eslatib o‘tamiz, saralash bosqichiga qur’a tashlash marosimi 25-may kuni soat 12:00 da Kuala Lumpurdagi OFK qarorgohida onlayn tarzda o‘tkaziladi. Musobaqaning final bosqichi 2024-yil Qatarda bo‘lib o‘tadi.