O‘zbekiston terma jamoasi Toshkentda o‘tgan boks bo‘yicha Jahon chempionatida 5 ta oltin, 2 tadan kumush va bronza medallariga ega chiqib, umumjamoa hisobida birinchi o‘rinni egalladi.
Jahon chempionatlarining umumiy reytingida O‘zbekiston delegatsiyasi medallarini sonini 52 ta yetkazib oldi. Ularning 14 tasi oltin, 17 tasi kumush va 21 tasi bronza. O‘zbekistonliklar umumiy reytingda 6-o‘rinni egallab turibdi.
Ayni vaqtda IBA tashkilotiga a’zo mamlakatlar orasida esa O‘zbekiston Kuba, Rossiya va Qozog‘istondan keyin to‘rtinchi bo‘lib turibdi.
Shuningdek, O‘zbekiston medallar soni bo‘yicha ham yuqoridagi uch mamlakatdan keyingi o‘rinni egallagan
- Kuba — 149
- Rossiya — 75
- Qozog‘iston — 56
- O‘zbekiston — 52
O‘zbekiston 1993-yildan beri Jahon chempionatlaridan muntazam qatnashib kelmoqda va faqat 1997-yilgi turnirni medalsiz yakunlagan (Ruslan Chagayevning oltin medali bekor qilingan).
Qayd etish kerak, reyting yetakchilaridan biri bo‘lgan AQSH boks terma jamoasi Toshkentdagi Jahon chempionati oldidan IBA’ni tark etdi, shuningdek, musobaqaga boykot e’lon qilgan 20 ta mamlakatdan biri edi.
Izoh (0)