Parij shahrida “O‘zbekistonlik. Generating Ideas” xalqaro forumiga Anorbank homiylik qildi

23-aprel kuni Fransiya poytaxti Parij shahrida "O‘zbekistonlik. Generating Ideas" xalqaro forumi bo‘lib o‘tdi. Unda dunyoning turli burchaklarida muvaffaqiyatga erishgan o‘zbekistonliklar, jumladan Uzbekistan’s club rezidentlari va media rezidentlari ishtirok etdi.

Uzbekistan’s Club – muvaffaqiyatli o‘zbekistonliklarni birlashtirish maqsadida yaratilgan global platformadir. Klubning eksklyuziv kontenti yoshlarni rag‘batlantiradi, uning fanlararo loyihalari esa yosh avlod uchun namuna bo‘lib, ularni yangi marralar sari ilhomlantiradi. Klubning maqsadi ushbu platformani o‘zbekistonliklarning intellektual salohiyati markaziga aylantirishdir.

AnorBank Uzbekistan’s Club doirasidagi navbatdagi tadbir – Parij forumini o‘tkazishga hamkor sifatida qo‘shildi. AnorBank bu klubning qadriyatlarini baham ko‘rib, har kuni mamlakatimizning raqamli rivojlanishiga hissa qo‘shish uchun astoydil harakat qiladi.

Xalqaro forum doirasida O‘zbekistonlik filmining uchinchi epizodi premerasi bo‘lib o‘tdi. Shuningdek, tadbir doirasida Aral Dream tashkilotining yangi loyihalari taqdimoti va xorijdagi vatandoshlarimiz hamda media rezidentlar ishtirokida “inson kapitali”, “ilg‘or texnologiyalar”, “kreativ sohalar va mamlakat imidji”, “yashil iqtisodiyot va Orolbo‘yi muammolari” mavzulariga bag‘sihlangan muhokamalar panellari bo‘lib o‘tdi.

AnorBank hamyurtlarimiz tajribasini, ularning yurtimiz yoshlari uchun ibratli o‘rnak sifatida salmoqli rolini yuqori baholaydi. Yoshlarni zamonaviy bilimlar va ilg‘or ko‘nikmalarni egallashga rag‘batlantirish, iqtidorli yoshlarni shakllantirishga ko‘maklashish niyatidamiz.

Shu bilan birga, mamlakatimiz rivoji uchun yangi avlod ko‘p narsalarni o‘rganishi, o‘z ustida ishlashi kerak. Sayohat qilishi, dunyoqarashini kengaytirishi va boshqa mamlakatlardagi ilg‘or tajribani olishi, tahlil qilib va o‘zimizga moslashtirib, hayotga tadbiq etishi muhim.

Xorijdagi hamyurtlarimiz erishayotgan yutuqlarni keng targ‘ib etish, yoshlarimizni yuqori malakali mutaxassis bo‘lib yetishish yo‘lida har tomonlama rag‘batlantirish, jumladan, bunday loyihalarda ishtirok etish orqali respublikamizni ijtimoiy-iqtisodiy rivojlanishga hissa qo‘shish AnorBank uchun muhimdir.

AnorBank kelgusida ham bu yo‘nalishda faoliyat yuritib, O‘zbekiston manfaati yo‘lida shu kabi loyihalarni amalga oshirishda davom etadi.

Reklama huquqi asosida.