Odatda Britaniya konsort qirolichasini sevishdan ko‘ra nafratlanish ehtimoli ko‘proq. Hech bo‘lmaganda britaniyaliklar shunday qilishadi, uni Charlz va Dianani ajralishda va hatto Ledi Dining o‘limida ayblashadi. Siz ham shu fikrda bo‘lsangiz, quyidagi maqola Kamillani biroz boshqa rakursda ko‘rishga yordam beradi.
Kelib chiqishi
Kamilla Rozmari Shand 1947-yilda zodagonlar oilasida tug‘ilgan (va hatto ularda ba'zan Kamilla va uning birinchi turmushidan bo‘lgan qizi Laura tomonidan kiyiladigan oilaviy tiara ham bor). Kamillaning otasi Britaniya armiyasining mayori, onasi esa Sassekslik baronning qizi edi. Shunday qilib, Kamilla Charlzning “oddiy oiladan” bo‘lgani uchun uning xotini bo‘la olmagan degan so‘zlar afsona.
Kamilla 1970-yillarda Charlz bilan turmush qurishi mumkin edi, ammo bunday bo‘lmaydi
Kamilla Shand va bo‘lajak qirol Charlz III 1970-yilda 23 yoshida tanishgan. O‘sha paytda ularni Chili elchisi Lusiya Santa Kruzning qizi Charlzning qiz do‘sti tanishtirgan. Ko‘p o‘tmay Charlz va Lyusiya ajrashgach, u va Kamilla o‘rtasida ishqiy munosabatlar boshlandi. Biroq Yelizaveta II o‘g‘lining tanlovini ma’qullamadi va uning hayotini Kamilla bilan bog‘lashini istamadi. Bunga bir nechta sabablar bor edi: birinchidan, qizning kelib chiqishi edi, bo‘lajak qirolicha uchun bu yetarli emasdi; ikkinchidan, Kamilla avval ham turmush qurgandi, bu qirol oilasi uchun an’analarning ochiqdan ochiq buzilishi (monarxning bo‘lajak rafiqasi nikohdan oldin bokira bo‘lishi kerak); uchinchidan, Kamillaning buvisi Charlzning katta bobosi qirol Edvard VII ning ma’shuqasi edi.
Barcha ayollar Kamilladan nafratlanishardi
Avval aytganimizdek, Kamilla oddiy oiladan emasdi — u qirollik saroyi muhitining bir qismi edi. Biroq bo‘lajak konsort malikaning dugonlari yo‘q edi va haqiqatan ham ayollar uni noto‘g‘ri xatti-harakatlari uchun qoralab, orqasidan g‘iybat qilishardi. Gap shundaki, Kamilla ichar va chekar, baland ovozda kulishni va hazil qilishni yaxshi ko‘rardi, shuningdek, erkak muxlislari ham anchagina edi. Ehtimol, shuning uchun ham qirolicha Kamillani kelinlikka munosib ko‘magan.
Kamilla avval ham turmushga chiqqan edi
Kamilla va Charlz 1973-yilda qirolicha Yelizaveta II o‘g‘lini harbiy xizmatga jo‘natgani uchun Charlz bir yilga ketishga majbur bo‘lganida ajralishdi. Bu vaqt ichida Kamillaning sobiq yigiti Endryu Parker-Boulz paydo bo‘ldi, u bilan 17 yoshida tanishgandi (ular Kamilla Charlz bilan uchrashgunga qadar besh yil uchrashishgan). U tez orada Kamillaga turmush qurishni taklif qildi va ular 1973-yilda turmush qurishdi. Bu nikohdan ikki farzand dunyoga keldi — Tom va Laura, Charlz esa o‘g‘lining cho‘qintirgan otasi bo‘ldi. Ushbu nikoh ham Charlz va Diananing turmushidek baxtli bo‘lmadi: Endryu Parker-Boulz xotiniga deyarli ostonadayoq xiyonat qila boshladi (odatda u Kamillaning o‘zi bilgan dugonalarini tanlardi). Ularning nikohi 1995-yilda, Charlz va Diananing rasmiy ajrashishidan bir yil oldin buzildi.
Kamilla Charlzning yagona chin do‘sti bo‘lgan
Sir emaski, Charlz ham Diana Spenserga uylanishni xohlamagan, ammo buni qirollik oilasining siyosati — Spenser va Vindzor klanlarini birlashtirish talab qilgan. Yaqinlarining xotiralariga ko‘ra, Diana yosh bo‘lgani uchun (u eridan 13 yosh kichik edi) ko‘pincha o‘z his-tuyg‘ularini tiya olmasdi, bu baqir-chaqir va boshqa nazoratsiz asabiy holatlarga olib keldi. Charlz qanday munosabatda bo‘lishni va bo‘lajak rafiqasi bilan munosabatlarni qanday yaxshilashni tushunmasdi, shuning uchun u tez-tez Kamilladan maslahat so‘rardi. Kamilla ham o‘z navbatida sobiq yigitning xotini bilan do‘stlashishga harakat qildi. Umuman olganda, yaqinlarining xotiralariga ko‘ra, Kamilla har doim Charlz tomonida bo‘lgan va uni hamma narsada — hazil tuyg‘usi va bog‘dorchilikka bo‘lgan muhabbatdan tortib shaxsiy tajriba va hissiyotlargacha qo‘llab-quvvatlagan deyarli yagona odam edi — ular nikohda ham bu do‘stlikni saqlab qolishga muvaffaq bo‘lishdi.
Charlz to‘yidan oldin Kamillaga sovg‘a yuborgan
1981-yilda to‘yidan bir necha kun oldin Charlz barcha sobiq qiz do‘stlariga sovg‘a berishga qaror qiladi — Kamillaga GF harflari o‘yilgan oltin bilaguzuk yuboradi. Charlzning so‘zlariga ko‘ra, bu “Good friend” — “Yaxshi do‘st” degan ma'noni anglatadi, ammo Diana bu haqda bilib qolgach, janjal chiqardi, chunki u qisqartma Gledis va Fred (Kamilla va Charlzning maxfiy ismlari) degan ma'noni anglatardi). Aytgancha, Kamilla hali ham bu bilaguzukni taqib yuradi.
Kamilla “yubka kiygan rotveyler” laqabini oladi
Kamilla 1995-yilda malika Diananing BBCga bergan shov-shuvli intervyusidan keyin “yubka kiygan rottveyler” sifatida tanildi. “Bu nikohda har doim uch kishi bo‘lganmiz, bilasizmi, bu bir oilaga ko‘plik qiladi”, — degandi Ledi Di. Ushbu intervyuni 23 milliondan ortiq odam tomosha qildi va Spenserning odamlarga ta’siri juda katta edi, uning baxtsiz nikohi haqidagi so‘zlariga hech kim ishonmay qolmasdi. Biroq o‘sha intervyudan keyin Dianani “soxta malika” deb ataganlar, o‘sha janjallarni (shuningdek, eriga ayg‘oqchilik qilish va uni manipulyatsiya qilishga urinishlar) esga olishdi. Shunga qaramay, o‘sha paytdan boshlab Kamilla Britaniya xalqi uchun birinchi raqamli dushmanga aylandi.
Kamilla aslida Uels malikasi unvoniga ega (bo‘lgan)
Ha, Kamilla 2005-yilda Charlzning rasmiy rafiqasi bo‘lganidan so‘ng Uels malikasi unvonini oldi. Biroq barcha hujjatlarda, murojaatlarda va boshqa narsalarda u Kornuol gersoginyasi sifatida tilga olinadi. Bu uning malika Diana bilan aloqada bo‘lmaslik haqidagi shaxsiy iltimosi edi (go‘yo bu unga nisbatan salbiylikni kamaytiradi).
Garri Kamillani sevishini tan oladi
Kamilla o‘tgan yillar davomida britaniyaliklar tomonidan qanchalik salbiy his-tuyg‘ularni boshdan kechirganini aytishga hojat yo‘q. Va, albatta, 2005-yilda Charlzga turmushga chiqqanda juda kam odam xursand bo‘ldi. Ko‘pchilik 1992-yildan beri Charlz bilan bo‘lgan ishqiy munosabatlaridan xabardor bo‘lganidan so‘ng, Kamilla atrofida nafrat hissi paydo bo‘ldi. Atrofdagilar uni Uels shahzodasi va malikasi o‘rtasidagi ajralishda ayblay boshladilar. O‘shandan beri Kamillaning yoqimsiz qiyofasi ko‘pchilikning qalbida mustahkam o‘rnashib qoladi, ammo Bukingem saroyi xizmatchilarining fikriga ko‘ra, aslida Kamilla malika Dianaga qaraganda ancha insonparvarroq bo‘lgan.
2005-yilda Garri Kamillani sevishini tan oldi va uni “baxtli qiladigan ajoyib ayol” deb atadi, shuningdek, u va Uilyamga qilgan barcha ishlari uchun minnatdorlik bildirdi. Bu so‘zlardan so‘ng yovuz o‘gay ona qiyofasi ancha chekindi va Britaniya xalqi bo‘lajak qirolning sevgilisiga nisbatan bag‘rikengroq bo‘ldi. Aytgancha, Garri va Uilyam haqiqatan ham o‘gay onasi bilan ochiqchasiga janjallashmagan, lekin Kamillaning birinchi turmushidan bo‘lgan qizi Laura qirollik oilasidan tom ma'noda nafratlangan va onasining Charlz bilan munosabatini tan olmaydi. Gap shundaki, ularning romantikasi matbuotda e'lon qilinganida, qiz hali o‘rta maktabda o‘qiyotgan edi va uning sinfdoshlari sodir bo‘layotgan voqealar tufayli uni tez-tez masxara qilishardi — ular hatto bu gazetalarni maktabga olib kelib, sarlavhalarni ovoz chiqarib o‘qishardi).
Kamillaning nikoh uzugi ona qirolichaga tegishli edi
Bo‘lajak qirol 2005-yil fevral oyida Kamillaga turmush qurishni taklif qildi va besh karatli olmos uzuk sovg‘a qildi. Ilgari uni Charlzning buvisi — konsort qirolicha Yelizaveta taqqan. Kamillaning qirollik marosimlarida kiyadigan sevimli Greville tiarasi ham bor.
Kamilla va Charlz — ruhan bir-biriga yaqin insonlar
Ularni doimo umumiy manfaatlar birlashtirgan. Misol uchun, konsort malika otlarni, bog‘dorchilikni va ochiq havoda dam olishni yaxshi ko‘radi. Xuddi Charlz kabi (u bir necha yillardan beri o‘z mulkida bog‘larni loyihalashtirib, yaratib kelmoqda va imkon qadar bu bog‘ga o‘zi g‘amxo‘rlik qilishni yaxshi ko‘radi). Kamilla eri bilan tabiatda va bog‘da butun bir kunni o‘tkazishi mumkin — Diana esa hech ham bunday qilmagan. Kamilla ham itlarni yoqtiradi, u va Charlzning ikkita Jek Rassell Teriyer, Bet va Blyubell laqabli itlari bor. Bundan tashqari, u hayvonlarga yordam berishga qaratilgan ikkita xayriya jamg‘armasi — Battersea Dogs Cats Home (it va mushuklar uchun boshpana) va itlardagi onkologiya bilan shug‘ullanadigan Medical Detection Dogs’ni boshqaradi.
Ammo Kamillaning sevimli mashg‘ulotlari shu bilan tugamaydi. Qirolicha turmush o‘rtog‘i Charlz kabi teleseriallarni yaxshi ko‘radi. U Daniya shousi “Qotillik”ning ashaddiy muxlisi, u hatto bir marta suratga olish maydonchasiga ham kelgan, u yerda unga bosh qahramonning sviteri sovg‘a qilingan. Kamilla adabiyotni ham yaxshi ko‘radi va o‘tgan yili o‘zining “Kornuoll gersogining o‘qish zali” nomli kitobxonlik klubini ochdi, bu har kim qo‘shilishi mumkin bo‘lgan onlayn hamjamiyatdir. U yerda Kamilla yangi kitoblari, sevimli asarlari bilan o‘rtoqlashadi, shuningdek, yozuvchilar bilan suhbatlar o‘tkazadi va boshqalarga hamfikrlarni topishga yordam beradi. Bir vaqtlar Charlz malika Dianani o‘qishga va keyin o‘qiganlarini qayta aytib berishga majbur qilgandi — Ledi Di maktabda yaxshi o‘qimagan va adabiyotni jini suymagan, Charlz esa mutolaani yaxshi ko‘rardi.
Izoh (0)