Xorazm viloyati Gurlan tumani hokimining o‘rinbosari Umid Jumagaldiyev 17-mart kuni vafot etgandi. Viloyat prokuraturasi holat yuzasidan qo‘shimcha ma’lumot berdi.
Aniqlanishicha, shu kuni soat 01:30 da Nexia-3 xizmat mashinasida Urganch—Gurlan avtomobil yo‘lida harakatlanayotganda yuk mashinasiga urilgan, shundan so‘ng mashina yo‘l chetidagi daraxtga urilgan.
Hodisa oqibatida Umid Jumagaldiyev tan jarohatlari olib, voqea joyida halok bo‘lgan. Yo‘l-transport hodisasi yuzasidan sud-tibbiy, sud-avtotexnika va sud-trasologik ekspertizalari tayinlangan. Mazkur holat yuzasidan prokuratura tomonidan tergovga qadar tekshiruv olib borilmoqda.
Izoh (0)