Oliy taʼlim, fan va innovatsiyalar vazirligida bir qancha tayinlovlar amalga oshirildi. Bu haqda vazirlik axborot xizmati xabar berdi.
Xabarga ko‘ra, Oliy taʼlim, fan va innovatsiyalar vaziri buyrug‘i bilan axborot siyosati, maʼnaviy-maʼrifiy ishlar va raqamli texnologiyalar masalalari bo‘yicha vazir maslahatchilari lavozimlariga tayinlovlar amalga oshirildi. Unga asosan:
- Sultonov Isajon Abdurayimovich – Oliy taʼlim, fan va innovatsiyalar vazirining maʼnaviy-maʼrifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini taʼminlash masalalari bo‘yicha maslahatchisi lavozimiga;
- Abduqunduzova Nazokat Usmonqulovna – Oliy taʼlim, fan va innovatsiyalar vazirining axborot siyosati masalalari bo‘yicha maslahatchisi – matbuot kotibi lavozimiga;
- Rahimov Bobur Kamolovich – Oliy taʼlim, fan va innovatsiyalar vazirining raqamlashtirish va axborot texnologiyalari bo‘yicha maslahatchisi lavozimiga tayinlandi.
Izoh (0)