O‘zbekiston va “Gazprom” o‘rtasida gaz sohasida hamkorlik qilish bo‘yicha yo‘l xaritasi imzolandi

Oʻzbekiston va Rossiya oʻrtasida gaz sanoati sohasida hamkorlikni rivojlantirish boʻyicha Energetika vaziri Joʻrabek Mirzamaxmudov va “Gazprom” rahbari Aleksey Miller “Yoʻl xaritasi”ni imzoladi. Bu haqda “Gazprom” xabar bermoqda. 

“Tomonlar oʻzaro hamkorlikning joriy va istiqboldagi masalalarini koʻrib chiqdi. Uchrashuvda Aleksey Miller va Joʻrabek Mirzamaxmudov gaz sohasida hamkorlik boʻyicha yoʻl xaritasini imzoladi”, — deyiladi xabarda.

Avvalroq Rossiya va Qozog‘iston bilan ham gaz sohasida hamkorlik bo‘yicha yo‘l xaritasi imzolangan edi.

Noyabr oyida Rossiya prezidenti Vladimir Putin Rossiya, Qozog‘iston va O‘zbekiston ishtirokida uch tomonlama gaz ittifoqi tuzishni taklif qilgandi. 

Rossiya prezidenti matbuot kotibi Dmitriy Peskovning tushuntirishicha, Putin tomonidan taklif etilgan O‘zbekiston va Qozog‘iston bilan “gaz sohasida uch tomonlama ittifoq” tuzish loyihasi ichki va tashqi bozorlar uchun gaz iste’moli va transportirovkasi bo‘yicha muvofiqlashtirish mexanizmini yaratish va infratuzilmasini rivojlantirishni nazarda tutadi.

Siyosatshunos Kamoliddin Rabbimovning fikricha, O‘zbekiston bunday ittifoqqa qo‘shilmaydi. Uning fikricha, O‘zbekiston o‘zining energetik oldi-sotdisini Rossiya bilan muvofiqlashtirsa, o‘zining energetik va geosiyosiy mustaqilligini tep-tekis joyda qisqartirgan, toraytirgan yoki yo‘qotgan bo‘ladi. 

Muharrir:

Foziljon Qambarov

Mavzuga doir

• Energetika vaziri gaz eskportidagi O‘zbekiston va Xitoy statistikasidagi farqqa izoh berdi 23.12.2022, 11:58
• Rossiya O‘zbekiston va Qozog‘istonga gaz yetkazib berish hajmini oshirmoqchi 26.12.2022, 10:42
• O‘zbekiston 2022-yilda Xitoyga quvur orqali 1 mlrd dollardan ko‘proq gaz yetkazib berdi 20 yanvar, 20:17