Oʻtgan yilning oxirida TBC Bank “Orzudagi kvartira” keng qamrovli aksiyasini oʻtkazdi. Oʻyin ishtirokchilari Toshkentda, Golden Houseʼning “Assalom Sohil” turar joy majmuasida qiymati 500 mln soʻm boʻlgan uch xonali kvartira yutib olish imkoniga ega boʻldi.
Aksiya gʻolibi 30-dekabr kuni Zoʻr TV telekanalida toʻgʻridan toʻgʻri efirda aniqlandi. Samarqand viloyatida istiqomat qiluvchi Muiba Ergasheva ismli ishtirokchi xonadon egasiga aylandi.
Muiba Ergasheva oʻz oilasi bilan kamtarona hayot kechiradi. U shifoxonada farrosh boʻlib ishlaydi. Boʻsh vaqtini roʻzgʻor yumushlariga toʻliq bagʻishlaydi: poliz ishlari bilan shugʻullanadi, tandirda non yopadi. Muiba Ergasheva oʻgʻlining maslahati bilan TBC Bankdan 12 mln soʻm kredit olib, ikkita sigir sotib oladi.
Ayolning aytishicha, unga kredit shu kunning oʻzidayoq maʼqullangan. Bundan tashqari, u oʻsha payt oʻtkazilayotgan kvartira oʻyini ishtirokchisiga ham aylangan. “Bu haqda menga xabar berishganida, men uncha eʼtibor bermadim”, — deydi Muiba Ergasheva.
Oʻyin oʻtkazilayotgan kunda Muiba Ergashevaning oʻgʻli ishlash uchun Moskvaga ketayotgan edi. Ayol mehmonlar bilan band boʻlib, aksiya natijalarini kuzatishga vaqt topa olmagan. Birozdan soʻng Muiba Ergashevaga qizi qoʻngʻiroq qilib, onasiga kvartira yutib olgani haqida xabar qiladi. Biroq qahramonimiz, TBC Bank xodimlari u bilan bogʻlanib, Toshkentda uch xonali kvartira yutib olganini maʼlum qilganidan keyingina oʻz omadiga ishonadi. “Agar bilganimda edi, oʻgʻlimni chet elga joʻnatmagan boʻlardim”, — deydi ona.
Yanvar oyining oxirida Muiba Ergasheva turmush oʻrtogʻi bilan birga yangi kvartiraning kalitini olish uchun Toshkentga keldi. “Aksiya doirasida TBC UZ ilovasida 10 mln soʻmdan kredit olgan har qanday mijoz kvartira yutib olishi mumkin edi. Biroq oʻyin kuni omad aynan sizga kulib boqdi. Orzular amalga oshadi, deyishadi, siz bunga shaxsan amin boʻldingiz”, — dedi TBC Bank raisi oʻrinbosari Hikoyat Dadaboyeva, gʻolibni tabriklar ekan. “Toshkentga koʻchib kelib, yangi kvartirangizda yashaysizmi”, degan savolga javob berarkan, Muiba Ergasheva xonadonni nabiralariga berishini, chunki ularning kelajakda oʻqish uchun poytaxtga kelishidan umidvorligini bildirdi.
“Orzudagi kvartira” aksiyasida hammasi boʻlib 11 ming kishi ishtirok etdi. Jami ID-chiptalar soni 16 556 tani tashkil qildi. Qoidaga koʻra, 2022-yilning 5-sentabridan 20-noyabrigacha TBC Bankda 10 mln soʻm va undan koʻproq onlayn-mikroqarz olgan mijozlar kvartira oʻyini ishtirokchilariga aylanishi kerak edi.
Bundan tashqari, mijoz kreditni 2022-yilning 31-dekabrigacha qoplamasligi, shuningdek, uning kechiktirilgan toʻlovlari boʻlmasligi talab etilardi. Har 10 mln soʻmga olingan kredit uchun ishtirokchi 1 ta ID-chipta qoʻlga kiritishi koʻzda tutilgan edi.
“Biz mahsulot va xizmatlarimiz har bir foydalanuvchi uchun qulay boʻlishini taʼminlashga intilamiz. Bizda kredit olish yoki depozit ochish uchun mijozga faqat smartfon va internet kerak. Bundan tashqari, bankimiz xizmatlaridan foydalangan mijozlar turli ragʻbatlantirish aksiyalari ishtirokchilariga aylanadi. “Orzudagi kvartira” — ortda qolgan yilning eng muhim voqealaridan biri. Bor-yoʻgʻi 12 mln soʻmga kredit olgan oddiy ishtirokchi Toshkentdagi kvartira sohibiga aylandi. Bu kabi sovrinlarni biz mijozlarimiz oʻrtasida bundan keyin ham oʻynashda davom etamiz”, — dedi TBC Bank Uzbekistan boshqaruv raisi Spartak Tetrashvili.
TBC Bank jamoasi “Orzudagi kvartira” gʻolibi hayoti bilan yaqindan tanishish va ayolni yangi kvartira bilan tabriklash uchun Muiba Ergashevaning uyida mehmon boʻldi. Quyida ushbu safar haqida videolavhani eʼtiboringizga havola etamiz.
Reklama huquqi asosida.