Samarqandda kelin-kuyov is gazidan zaharlanib vafot etdi

Samarqand viloyati Kattaqo‘rg‘on tumanida 18-yanvar kuni kelin-kuyov is gazidan vafot etdi. Bu haqda huquq faoli Abdurahmon Tashanov xabar berdi.

Ma’lum bo‘lishicha, tun yarmida gaz tarmoqdan uzilgan va qayta yoqilgan. Olov o‘chgach, sizgan gaz tufayli uyqudagi kelin-kuyov zaharlangan. Ular ertalab xonadonida o‘lik holda topilgan.

Bosh prokuratura matbuot kotibi Hayot Shamsutdinovning “Daryo”ga ma’lum qilishicha, kelin-kuyovning yaqinlari jasadni ko‘mib yuborgan va bu to‘g‘risida huquqni muhofaza qilish organlariga xabar bermagan.

Mavzuga doir:

• O‘zbekistonda 2022-yil boshidan buyon is gazidan vafot etganlar soni ma’lum qilindi
• Is gazi: Energetika vazirligi baxtsiz hodisalarning oldini olish bo‘yicha tavsiyalar berdi