Bugun,

  • USD 11095.31
  • RUB 173.84
  • EUR 10772.44

Rossiya prezidenti Vladimir Putin Ukrainaga qarshi uzoq muddatli urushga tayyorlanmoqda. Buni isbotlovchi bir nechta omillar bor, dedi NATO bosh kotibi o‘rinbosari Mircha Joane Harbiy qo‘mita majlisi chog‘ida.

Foto: Getty Images

Foto: Getty Images

Joanening so‘zlariga ko‘ra, Rossiyaning Ukrainaga qarshi urushi yaqin orada yakunlanishi dargumon.

“Putin uzoq davom etadigan urushga tayyorlanmoqda”, — dedi u NATOga a’zo mamlakatlar shtab boshliqlari bilan uchrashuvda.

Joanening qayd etishicha, bunga bir qancha omillar ishora qilmoqda, xususan:

  • yaqinda 200 mingdan ortiq rossiyalik harbiy xizmatchilarning safarbar qilinishi;
  • mahalliy qurol-yarog‘ ishlab chiqarish hajmining oshirilishi;
  • boshqa mamlakatlardan — xususan, Erondan qurol sotib olish sur’atlarining oshirilishi.

Shu munosabat bilan NATO bosh kotibi o‘rinbosari 2023-yil harbiy jihatdan qiyin bo‘lishi haqida ogohlantirdi va zarurat bor ekan, Ukrainani qo‘llab-quvvatlashga chaqirdi.

Avvalroq Putin Rossiya amalga oshirayotgan ishlar, shu jumladan, “maxsus operatsiya” ham, go‘yoki, urushga nuqta qo‘yishga urinish ekanini aytgandi. “Bugungi kunda qilayotgan har bir ishimiz, shu jumladan, maxsus harbiy operatsiya urushni to‘xtatish va Donetsk hamda Lugansk hududlarida yashovchi xalqimizni himoya qilishga urinishdir. Bu bizning tarixiy hududlarimizdir”, — dedi u.

Avvalroq Urushni tadqiq qilish instituti (ISW) ham urush hali tugamasligini aytgandi. “Kremlning 2023-yildagi strategik harakatlarga tayyorgarlik ko‘rish rejasi uzoq davom etadigan urush sharoitini yaratishni istisno etmaydi. ISW Rossiyaning Ukrainadagi urushda g‘alaba qozonish uchun ‘so‘nggi urinishini’ bashorat qilmaydi. Urush tugamaydi”,— degandi ekspertlar.

 

Mavzuga doir:

Izoh
Asosiy yangiliklar
Mahalliy
“Tez yordam mashinasi 5 yilda ikki baravarga ko‘paydi, bitta chaqiruv dorisi 640 so‘mdan 7,5 ming so‘mga oshdi”. “Daryo” tibbiyotdagi o‘zgarishlarni Namangan viloy...
Sport
Bundesliga. “Borussiya D” o‘z maydonida raqibini tor-mor etdi 
Shou-biznes
Instagram: Aeroportda dabdaba bilan kutib olingan Liil Xurramov, qo‘shiq kuylagan Abduhoshim Ismoilov, yangi raqqosalarni kashf etayotgan Yulduz Usmonova