“Daryo” internet-nashri Toshkent shahri hokimligi qoshidagi Jamoatchilik kengashi bilan birgalikda “Mahalla. Muammo. Mulohaza” loyihasini taqdim etib kelmoqda. Loyihaning 11-soni mavzusi “Tazyiq va zo‘ravonlik — nomardlik” bo‘lib, dastur mehmoni sifatida iqtisod fanlari doktori, professor Barnogul Sanakulova taklif etildi.
Iqtisodchining ta’kidlashicha, ayollar va bolalarga zo‘ravonlik mavzusi haqida faqatgina gapirish, munosabat bildirish emas, masalaga yechim va takliflar berish muhim.
Yo‘l qo‘yayotgan kamchiligimiz ham – “hisobotdan hisobotga” qabilida yashayotganimiz. 10-dekabr kuni butun dunyoda zo‘ravonlikka qarshi kurashish oyligi tugadi. Ana endi biz gapiramizmi, degan savol kun tartibiga chiqyapti. Gapirish qaysidir to‘rtta blogerga qolib ketishi kerak emas. Ayrimlar bu mavzuni auditoriya yig‘ish uchun gapiradi. Tahlil qilib ko‘rsangiz, auditoriyasi keng va bu mavzuga tez-tez murojaat qilib turadigan blogerlar, ijtimoiy faollarning asosiy kontenti ushbu masala ko‘tarib chiqilgach yig‘ilganiga guvoh bo‘lasiz.Muammoni taqdim etish, bu holatga nisbatan insonlarning rahmini keltirish, g‘azabini oshirish, munosabatini kengaytirish yaxshi. Lekin yechim berilmasa, muammoning tub mohiyati qayerdan kelib chiqayotgani, ertaga kutilmaganda yana qayerda muammo kelib chiqishi mumkinligi haqida gapirilmasa va davriy ravishda amalga oshirilmasa, bu kontent quloqlarning qotishiga, ko‘zlarning o‘rganib qolishiga, miyaning ushbu holatlarni normal qabul qilishiga sabab bo‘ladi, – deydi professor.
Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.
Izoh (0)