Buxoro viloyati Buxoro tumanida 16-dekabr kuni YTH joyida harakat xavfsizligini ta’minlayotgan patrul avtomobilining ortidan Cobalt kelib to‘qnashdi. Bu haqda Yo‘l harakati xavfsizligi xizmati xabar berdi.
Aniqlanishicha, tumanning “Turkon” MFY hududidan o‘tuvchi M-37 avtomobil yo‘lining 253-kilometrida sodir bo‘lgan Nexia-3 hamda Spark avtomobillari ishtirokidagi YTHni rasmiylashtirish jarayonida YPX xodimi harakat xavfsizligini ta’minlash maqsadida Lacetti xizmat avtomobilini mayoqchalari yoqilgan holda yo‘nalishlarni ajratuvchi beton to‘siq yoniga — Nexia-3 avtomobilining orqa tomoniga joylashtirgan.
Xodimlar xizmat vazifasini bajarayotgan vaqtda 2001-yilda tug‘ilgan haydovchi S.I. e’tiborsizligi sabab boshqaruvidagi Cobalt avtomobilida mayoqchalari yoqilgan holda to‘xtab turgan Lacetti avtomobilining orqa tomoniga to‘qnashgan.
Mazkur sodir bo‘lgan YTHlar oqibatida tan jarohati olgan fuqarolar yo‘q. Holat yuzasidan tuman prokuraturasi xodimlari tomonidan tergovga qadar tekshiruv harakatlari olib borilmoqda.
Izoh (2)
Лекин гаи йулни уртасида турган булса, менимча бу ерда фукорони айиблашмокда.
Орлик масофа саклашмаган