Markaziy bank 3 ta to‘lov tashkilotining litsenziyasini chaqirib oldi

O‘zbekiston Markaziy banki mamlakatdagi 3 ta to‘lov tashkilotining litsenziyasini qaytarib oldi. Bu haqda Markaziy bank matbuot xizmati xabar bermoqda. 

Ta’kidlanishicha, uchala to‘lov tashkiloti ham litsenziya olingan kunda e’tiboran bir yil davomida faoliyatini amalga oshirmagan. Markaziy bank boshqaruvi qarorni 2022-yil 15-dekabrida qabul qilgan. 

Litsenziyasi qaytarib olingan to‘lov tashkilotlari quyidagilar: 

• International Eco Pay;
• Panda Internet Technology;
• UGNIS. 

Ma’lum bo‘lishicha, uchchala mas’uliyati cheklangan jamiyat to‘lov tashkilotlari reyestridan ham chiqarilgan.

Avvalroq O‘zbekistonda asosiy stavka yana 15 foiz darajasida o‘zgarishsiz qoldirilgani haqida xabar berilgan edi.